Колхозонь эряф/1933/06/Матовсь кяжец/Трактористти

From Wikisource
Jump to navigation Jump to search
Колхозонь эряф (1933), 6 № март ков edited by Шестов Н. С., Порватов Т. М.
Матовсь кяжец. IV ТРАКТОРИСТТИ by Безбородов, Михаил Ильич
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 6 № март ков 1933-це киза. — с. 5

[5]

IV   ТРАКТОРИСТТИ

Чьопафць ляйти
Синем менельсь,
Сетьмя ветти
Копаньц начфтозя.
Велета ланга
Шовдась келемсь
Ваймямс пинкть
Трудяйти шачфтозя.
Уды велесь.
Аньцек оттне,
Гармонькаса
Ульцять сязенцазь
Верьгя вайгяльхть
Мокшонь кяльса,
Марстонь эряфть
Морайхть, азоцназь.
Касы седить
Мораснодны,
Налхкозевихть
Одонь думнятня
Танга, танга
Рана, ванды
Молихть пеэн
Мокшонь стырнятне.
Шобдась нингя
Сяда вишкомсь,
Тулуп потмос
Велеть кяшезя.
Лаймоть ланкста
Тишесь летькомсь,
Кода ливсти
Шить монь копозя
Тифтень кафтозь
Сраткшнесть оттне,
Пандовсь мороц
Кайги гармонькать.
Удыхть вирьхне
Ляйхня, лоткня,
Уды пинец
Ашу Ягоркать,
Уды велесь.
Аньцяк Настась
Сединь кундазь
Кудга ласьконди
Мезя кульсь
Пилензон мархта —
Шава куца
Азомс аш кинди.
„Трактористти
Молян азсан...
Азсан сембонь
Мезя тиендихть.
Колхозть инкса
Прязень лазфцан,
Аньцек таргамс
Верда симондись —
Тяфта арьсезь
Вишкя вармакс,
Комоць Настась...
Шобда, шобда весь.
Шавома сонь
Седиць кармась,
Мзярда пачкоць...
Кинцты токась пе.