Колхозонь эряф/1933/06/Матовсь кяжец/Веть

←IV ТРАКТОРИСТТИ

Колхозонь эряф (1933), 6 № март ков edited by Шестов Н. С., Порватов Т. М. Матовсь кяжец. V. Веть by Безбородов, Михаил Ильич

VI. У ух, эх→

Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 6 № март ков 1933-це киза. — с. 5—6

V.   Веть,

Ванясь ниньгя
Ашозь уда
Мзярда боконц
Настась токоза
— Ваня! Ваня!!
Адя куду
Тяса кельмя,
Ливсю копозя...
Кода эскса
Ванять сялгозь,
Станя Настань
Самац эвфтезя
Мзярда марса
Вастонц кадозь,
Кулять содамс
Курок вешезя.
— Азк, мезенкса
Ласькоть тяза?
Мезень колга

Куду вятемайть?
Кулхцонтт, Ваня,
Лама азан...
Тон илять вдь
Тячи няемайть?
Мзярда куду
Тунь ульцяста,
Ваня Лаврать
Паннефть вальманза.
„Тевть тисак —
Улят уцяскав...“
Кулевсть куцта
Пинеть валонза
Эста сяда
Малав шаштонь,
Вальманцты
Путыня пилезень.
... . Аш месть корхтамс,
Федот машты...“
„Няйсы калхозсь“
Тячи виезень“...
„Федот, няить
Тракторсь коса?“...
„Сарайть ала,
Омба пересост...“
Тяфта корхтасть.
Попськя тоса,
Пиня лаца
Сембе ирецтот.
Аделазя
Настась валонц,
Стакаста сон
Ваймонц таргазя,
Бта Ванять
Мархта сялонць,
Станя кяжсь
Санонзон калганьзя.
Кундась Ванясь
Настань кятти,
Кемоста
Люпштазень
Суронзон.
— Учемат!
Сайхть
Пяле вети.
Керсаськ,
Керсаськ,
Лаврать унксонзон.