Безбородов М. И. Сочиненият 1-це томсь (1939)/Колхозонь базарса

From Wikisource
Jump to navigation Jump to search
Сочиненият 1-це томсь  (1939)  by Безбородов, Михаил Ильич
Колхозонь базарса
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 80 ]

КОЛХОЗОНЬ БАЗАРСА


Базар. Площадсь
Мярьгат лакай.
Народсь пульхки
Понжам лаца.
Тяса ламос
Сави якамс,
Кда мяльце
Вешксцень сатомс.
Тяса мезе
Аньцек аяш:
Сьора, сиволь,
Нинге товархт...
Но инь пяк
Сай сельме каямс
Тоза, коса
Нурттне таватфт
Оцю, коське
Ару розьса.
Нурртне лешавт,
Оцю, коське
Ару розьса.
Нурттне лешафт,
Кельме кожфса.
Вельпонь весне
Кескафт утнихть,
Перьфкаст
Колхозникне шутцихть.
Корхнихть: кие
Мзяра сьора
Товар лангс
Полафты тячи,
Конанц брюкат
Веши цьорац,

[ 81 ]

Конань авац
Ситец веши.
„Теенть рахсемс,
Ялгат, пара,—
Нолдась валонц
Башка эряйсь.”
„Лятфтасте тинь
Йотксонт мзяра,
Сембе тяфта
Йотксонт эряйхть?”
— Виде, улихть,—
Пшкядьсь Семась,—
Кода Васясь
Минь колхозса,
Кона ноладонга
Нолась,
Кона пелендсь
Кизонь кожфта.
Тяфтак йоню,
Отькорь цьорась,
Думсесь — колхозсь
Стама васта,
Коста цьорась
Потямс йорась,
Аф работазь,
Ащезь тяфтак.
Эльбядсь Васясь,
Шавос учсесь.
Тяни сьороц
Сонь аф саты:
Кафта энялькст
РИК-у кучсесь,
Но... вдь тоза
Кши аф шачи!
Лама корхнеф:
„Паксяв якак,
Няйсак — тефне

[ 82 ]

Лакайхть, шадыхть.
Апак покотть
Мезе сатат?
Иттне вачеда
Вдь лядыхть.”
Сон изь куле,
Мезе тиемс?
Тяфтак йотафтсь
Сембе кизоть.
Тяни кшинди
Оронц мизе,
Эх, аф тряви
Рамсезь пизось!
Тяфта, цьора.
Тяни монь,
Кда кочкамс,
Эрян кода!
Виде, работан
Аф ськамон,
Но мон тевса
Одта одан.
Ударникан!
Тинцьке содасасть,
Ударникть
Сяськиец изь шача.
Тяддень сьоксесь
Теень козякс сась,
Аф улян ни
Тяни вача.
Мезень вача,
Кда мимс
Колма центнерхт
Сьора усконь!
Колхозсь козе,
Козе „КИМ-сь”,
Ули мезе
Ярхцамс, сускомс.

[ 83 ]

А алашась?!
Ваность понанц,
Бта майста
Парьхцикс вадяв.
Аф нолдасы
Алу конянц,
Кда андомац
Сонь ладяф.
Содасть, ялгат,
Конюхсь монць,
Андан алашат
Тундати.
Штоба улест
Пяшксет пондс
Большевиконь
Видемати,
Штоба темпне
Вяре кирдемс,
Таргамс сембонь
Шовдать алда —
Эряйкс эряфсь,
Коза терди
Седи ваксстонь
Сталин ялгась.
„Эряйкс эряфсь”
Кинди вдь?
Тейнек! Виде
Сиреть азксоц:
„Тяльмось коданга
Аф синдеви,
Кда пекста
Кеме карксоц.”
Тяфта, башка
Эряй цьора!
Тейтьке тя
Содамс эряви.
Вача ляды —

[ 84 ]

Кие нола,
Кувакаста
Кизось маряви.
Но-о!— пишкодсь
Алашати Семась,
Мзярда весненди
Рядсь маладсь.
„Атясь корхтафкшу”.
„Тонадсь”.
„Кяденц лаподезе
Аляц”...
Тяса мезе
Аньцек аяш...
Площадсь моря
Лаца лакай.
Но инь пяк
Сай сельме каямс,
Кие эряй
Семань лаца.


Январь 1934 к.