Вокзалда

← Ҡалтыранған ҡулдар яҙа

Вокзалда (Шиғыр) автор Лилиә Һаҡмар

Кем һуң әйтте? →

.Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (46-сы бит) ISBN 5-295-03798-3

ВОКЗАЛДА

Оҙатырға сыҡтым һине.
Йылмайыуың – яһалма.
Күңелем – ҡыҙған табала,
Ә йөрәгем – табанда…

Ҡотһоҙ ҡоллоҡ бығауҙары
Сереп, ыуалып бара.
Күҙҙәремә түгел,
Текләп,
Үткән юлыңа ҡара!

Аҙым һайын саф хистәрҙе
Иҙгән аяҡ эҙең бар.
Ул юлдарҙа сәскә түгел,
Ята бары һалҡын ҡар…

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар