Велень хозяйствань артелень примерной устав/7
| ←VI. Артеленть средстванзо | Велень хозяйствань артелень примерной устав (1939) , edited by Вечканов С., Мурзин В. VII. Трудонь организовамось, кисэнзэ пандомась ды сонзэ дисциплинась. |
VIII. Артеленть тевтнень ветямось→ |
| Велень хозяйствань артелень примерной устав. Примизе колхозниктнень-ударниктнень Всесоюзной Омбоце Съездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 24—32 |
VII. ТРУДОНЬ ОРГАНИЗОВАМОСЬ, КИСЭНЗЭ ПАНДОМАСЬ ДЫ СОНЗЭ ДИСЦИПЛИНАСЬ
13. Артелень хозяйствасонть весе роботатнень теить эсь вийсэст сонзэ члентнэ внутренней распорядкань правилатнень коряс, конатнень приминзе общей собраниясь. Велень хозяйствань роботатнес сиведемань коряс можна саемс ансяк сеть ломатнень, конатнень улить специальной знанияст ды подготовкаст (агрономт, инженерт, техникт ды лият).
Шкань робочейть можна сивелемс ансяк исключительной случайтнестэ, зярдо [ 25 ]срочной роботатне педе-пев нагрузканть пингстэ шкастост а прядовить артелень члентнэнь эсист вийсэ, истяжо строительной роботатнень туртов.
14. Правлениясь артелень члентнэстэ создает производственной бригадат.
Полеводческой бригадатне явтавить весе севооборотонь шкадо аволь аламос.
Полеводческой бригадантень явтавить участкат севооборотонь паксятнесэ севооборотонть шкас.
Полеводческой эрьва бригадантень колхозонь правлениясь специальной актонь коряс кемексты весе сонензэ эрявикс инвентаренть, роботамонь скотинантьды хозяйственной постройкатнень.
Животноводческой бригадатне явтавить 3 иеде а седе нурькине шкас.
Животноводческой эрьва бригадантень артелень правлениясь кемексты продуктивной скотина, обслуживаниянь туртов эрявикс инвентарь, тягло ды животноводческой постройкат.
Артелень члентнэнь юткова роботанть явшесы сонсь бригадирэсь, конась [ 26 ]обязанной сех парсте использовать эсь бригадань эрьва колхозникенть, а нолдамс роботатнень явшемстэ кодамояк кумовства, семейственность ды кеместэ учитывать эрьвейкенть трудонь квалификациянзо, опытэнзэ ды физической виензэ, пешксесэ ды эйкакшонь потявтыця аватнень кувалт жо — эряви шождалгавтомс сынст роботаст, освобождать аватнень роботасто вейке ковс шачтомадо икеле, вейке ковс шачтомадо мейле, неть 2 ковтнэнь перть максомс тенст содержания сынст средней выработкань трудочитнестэ ½ размерсэ.
15. Велень хозяйствань роботатне артельсэнть ютавтовить сдельщинань коряс.
Артелень правлениясь теи ды колхозниктнень общей собраниясь утверждает велень хозяйствань весе роботатнень теемань нормат ды эрьва тевентень расценкат трудочисэ.
Эрьва роботанть лангс теевить роботамонь нормат, конат топавтовить честнасто роботыця колхозникентень, сень ловозь, кодамо состоянияст роботамонь скотинанть, машинатнень ды моданть. [ 27 ]Эрьва роботантень, примеркс: сокамс тектар, видемс гектар, теемс окучивания хлопкань гектаронтень, пивсэмс тонна сюро, таргамс центнер секлат, таргамс гектар лияназ, ваявтомс гектар лияназ, потявтомс литра ловсо ды лият — теемс оценка трудочисэ се лангс ванозь, кодамо квалификациянь роботник эряви, кодамо сложной, стака ды эрявикс те эли тона роботась артеленть туртов.
Артелень эрьва членэнтень недлязонзо вейке раздо а седе чуросто бригадирэсь ловносы весе роботанть, конань теизе колхозникесь, ды ладязь расценкатнень коряс сермадсы колхозникенть трудовой книжказонзо зяро теезь трудочинзэ.
Артелень правлениясь эрьва ковстонть понгавтни артелень членэнь списка, конаньсэ сермадсы, зяро трудочить тейсть сынь ютазь ковонть перть.
Эрьва колхозникенть роботамонь иень итогонзо ды доходонзо, счетоводто башка, обязательна заверяет бригадирэсь ды артелень председателесь. Зяро тейсь [ 28 ]трудочить артелень эрьва членэсь ведомостенть понгавтомс весенень неявома таркас кавто недлядо а седе позда общей собраниядонть икеле, кона утверждает артелень доходтнэнь явшеманть.
Бути полеводческой бригадась парсте роботамонзо кувалт сонензэ максозь участкатне лангсто саи колхозной средней урожаенть коряс седе ламо эли бути животноводческой бригадась парсте роботамонзо кувалт карми получамо скалтнестэ седе ламо ловсо, скотинатне седе справить, ванстасызь весе од скотинанть, то истямо бригадань весе члентнэнень артелень правлениясь теи доходонь начисления 10 процентэнь размерэс весе трудочитнень эйстэ, конатнень теизь сынь, бригадасо сех паро ударниктненень — 15 процентэнь размерэс, бригадирэнтень ды фермань заведующеентень жо — 20 процентнэнь размерэс.
Бути полеводческой бригадась беряньстэ роботамонзо кувалт саи сонензэ максозь участкатнестэ колхозной средней урожаенть коряс седе аламо эли бути [ 29 ]животноводческой бригадась берянь роботанзо кувалт максы потявтомань средней норманть коряс аламо, скотинатнень справна-чист ды од скотинань ванстомась среднейде алкине, — сестэ истямо бригадань весе члентнэнь доходстост артелень правлениясь саи (вычитает) 10 процентэнь размерэс весе сынст теезь трудочист эйстэ.
Члентнэнь ютксо артелень доходонь явшеманть теемс ансяк сень коряс, зяро трудочить тейсь артелень эрьва членэсь.
16. Иень перть артелень членэнтень можна максомс ярмаконь аванс пеледензэ аволь ламо се сумманть эйстэ, кона сави тензэ роботанзо кис.
Натуральной аванст правлениясь максни артелень члентнэнень сюронь пивсэма васень шкастонть саезь внутриколхозной нужатненень отчислениятнестэ 20—15 процентэнь размерсэ весе пивсэзь сюродонть.
Артельсэнть, кона видни технической культурат, артелень членэнтень ярмаконь доходось явшевкшневи [ 30 ]государствантень хлопкань, лияназонь, мушконь, секлань, чаень, табаконь ды лиянь мезень максоманть прядоманзо апак учне, но максоманть лангс ванозь недлязонзо ве раздо а седе чуросто 60 процентт сеть ярмактнэстэ, конатнень артелесь получи максозь продукциянть кис.
17. Артелень весе члентнэ обязуются кеместэ ванстомс эсь колхозонь собственностенть ды государствань машинатнень, конатне роботыть колхозонь паксятнесэ, роботамс честнасто, теемс уставонть требованиянзо коряс, общей собраниянть ды правлениянть постановленияст коряс, ванстомс внутренней распорядкань правилатнень, парсте ды шкастонзо топавтомс роботатнень, конатнень путы лангозост правлениясь ды бригадирэсь, ды общественной обязанностьнень, кеместэ ванстомс трудонь дисциплинанть.
Общественной имуществантень бесхозяйственной ды нерадивой отношениянть кис, роботамо причинавтомо а лисеманть кис, беряньстэ теезь роботанть кис ды трудонь дисциплинань ды [ 31 ]уставонь лия коламотнень кис, правлениясь чумотнень лангс путы взыскания внутренней распорядкань правилатнень коряс, примеркс: одов теемс беряньстэ теезь роботанть трудочинь апак сермадо, предупреждения, выговор, порицания общей собраниясо, сермадомс раужо лаз лангс, штрафовамс 5 трудочис размерсэ, аравтомс низшей роботас, а нолдамс зярояк шкас роботамо.
Сестэ, зярдо а лездыть артеленть пельде ютавтозь витемань ды наказаниянь весе мератне, артелень а витевиця члентнэнь кувалт правлениясь аравтсы вопросонть общей собраниянть икелев артельстэ сынст исключениядо.
Исключениясь ютавтневи велень хозяйствань артелень уставонть 8-це пунктсонзо евтазь порядканть коряс.
18. Общественной, колхозной ды государственной собственностень эрьва кодамо салсеманть, артелень имушествантень ды скотинантень ды МТС-нь машинатненень вредительской отношениянть лангс артелесь ваны колхозонь [ 32 ]вейсэнь тевентень прок измена лангс ды народонь врагтнэнень лездамо лангс.
Ломатнень, конат чумот колхозонь строенть основатнень истямо калавтомасонть, артелесь макссынзе судс, штобу сынст наказамс робоче-крестьянской государствань законтнэнь весе строгостест коряс.