Велень хозяйствань артелень примерной устав/6

From Wikisource
Jump to navigation Jump to search
Велень хозяйствань артелень примерной устав  (1939) 
Колхозниктнень-ударниктнень Всесоюзной Омбоце Съездэсь, edited by Вечканов С., Мурзин В.
VI. Артеленть средстванзо.
Велень хозяйствань артелень примерной устав. Примизе колхозниктнень-ударниктнень Всесоюзной Омбоце Съездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 18—24
[ 18 ]

VI. АРТЕЛЕНТЬ СРЕДСТВАНЗО

9. Артельс совицятне должны внести ярмаконь вступительной взнос хозяйстванть виев-чинзэ коряс 20 [ 19 ]целковойстэ 40 целковойс кудонть пельде (на двор). Вступительной взностнэ зачисляются артелень а явшевиця фондс.

10. Артелень члентнэнь обобществленной имуществанть (роботамонь скотина, инвентарь, хозяйственной постройкат ды лия) питнензэ эйстэ ¼ пелькстэ саезь ½ пельксэс зачисляется артелень а явшевиця фондс ды истя, што а явшевиця капиталс седе покш процентэнть саемс седе виев хозяйстватнень пельде. Имуществань остатка пельксэсь зачисляется артелень членэнть паевой взносос.

Артельстэ выбывающей членэнть марто правлениясь теи расчет ды велявтсы тензэ паевой взносонть ярмаксо, теке марто артельстэ туезентень можна максомс мода ансяк артеленть моданзо томбальде. Расчетонть прок правила теемс хозяйствань иенть прядомадо мейле.

11. Артельсэнть получавицят урожайстэнть ды животноводствань продуктатнестэ артелесь:

а) топавты эсинзэ обязательстванзо [ 20 ]государстванть икеле поставкатнень коряс ды видьмень ссудатнень велявтомаст коряс, панды натурасо МТС-нтень МТС-нть роботанзо кис теезь договоронть коряс, конань ули закононь виезэ, ды топавты контрактациядо договортнэнь;

б) засыпает видьметь видемань туртов ды кором скотинанть трямонзо туртов зняро, зяро эряви иень перть, истяжо сюронь а шачомадо ды коромонь аразьде страховамонь кис теи видьмень ды коромонь неприкосновенной фондт иень потребностень эйстэ 10—15 процентэнь размерсэ, конатне возобновляются эрьва иестэ;

в) общей собраниянь решениянь коряс теи лездамонь фондт: инвалидтнэнень, сыретненень, сетненень, конат шкас емавтызь трудоснособностест, якстереармеецэнь сеть семиятненень лездамонь, конатненень эряви лезкс, эйкакшонь яслятнень ды урозтнэнь содержаниянь туртов фонд, — весе те улезэ валовой продукциянть эйстэ 2 проценттэ аволь ламо;

[ 21 ] г) явты зняро, зяро мери артелень члентнэнь общей собраниясь, государствантень эли рынкав миемс продуктатнестэ пелькс;

д) артеленть весе остатка урожаензэ ды сонзэ животноводствань продуктатнень артелесь явши артелень члентнэнь ланга трудочинь коряс.

12. Ярмаконь доходтнэстэ, конатнень получи артелесь, сон:

а) вносит государствантень закононь коряс путозь налогтнэнь ды ютавты страховой пандоматнень ды первоочередной порядоксо ярмаконь ссудатнень пандоманть;

б) теи эрявикс расходт те шкань производственной нужатне лангс, кода: велень хозяйствань орудиятнень текущей ремонтс, скотинань лечамос, вредительтнень каршо бороцямос ды лияс;

в) вельти артеленть административно-хозяйственной расходонзо, весе ярмаконь доходтнэстэ 2 проценттэ аволь ламо тень туртов явозь;

г) яви средстват культурной нужатнень туртов, кода; колхозной [ 22 ]кадратнень анокстамос, яслянь, детплощадкатнень организовамос, радионь теемас ды лияс;

д) пешти артелень а явшевиця фондонть велень хозяйствань орудиятнень ды скотинань рамамонь туртов, строямонь материалтнэнь питнест пандомань туртов, робочейтненень пандомань туртов, конат сиведевкшныть строительствас со стороны.

А явшевиця фондтнэнь пополнениянь туртов отчислениясь зерновой районтнэсэ производится 12 проценттэ аволь седе а ламонь, но 15 проценттэ аволь седе ламонь размерсэ, техническойть культурань ды животноводческой районтнэсэ 15 проценттэ аволь седе а ламонь, но 20 проценттэ аволь седе ламонь размерсэ;

е) артеленть ярмаконь доходонь весе кадовикс сумманть артелесь явши артелень члентнэнь ланга трудочинь коряс.

Весе доходонь поступлениятнень обязательна сермадомс артеленть приходс поступлениянь чистэнть.

Кода доходонь поступлениятнень лангс, [ 23 ]истя средстватнень ютавтомаст лангскак артелень правлениясь теи иень смета, кона сови вийс ансяк сесту, зярдо сонзэ утвердит артелень члентнэнь общей собраниясь.

Средстватнень ютавтомаст правлениясь может производить ансяк сеть статьятнень коряс, конат невтезь сметасонть, — расходной сметань статьясто статьяс средстватнень самовольной передвижканть правлениясь а теи ды правлениясь статьясто статьяс средстватнень передвижкань туртов обязан вешемс общей собраниянь разрешения.

Колхозонь производственнойть нужанзо лангс иень расходной сметастонть, конатанть утвердил колхозниктнень общей собраниясь, правлениясь се шкас, зярс карми улеме теезь урожаень лангс видтнэнь выяснения, может расходовамо 70 нроценттэ аволь седе ламо, конат предусмотреннойть расходтнэнь сметасонть. Остатка 30 процентнэ кадовить резервасо ды расходуются урожаенть лангс видтнэнь ансяк окончательной выяснениядост мейле ды колхозниктнень [ 24 ]общей собраниянть решениядонзо мейле.

Ярмаконь эсь свободнойть средстванзо артелесь вансты эсь текущей счетонзо лангсо банкасо эли сберкассасо. Текущей счетсто списать можна ансяк артелень правлениянть приказонзо коряс, кона ули алкуксоньсекс артелень председателенть ды счетоводонть подписест марто.