Велень хозяйствань артелень примерной устав/4

From Wikisource
Jump to navigation Jump to search
Велень хозяйствань артелень примерной устав  (1939) 
Колхозниктнень-ударниктнень Всесоюзной Омбоце Съездэсь, edited by Вечканов С., Мурзин В.
IV. Артеленть ды сонзэ правлениянть деятельностест.
Велень хозяйствань артелень примерной устав. Примизе колхозниктнень-ударниктнень Всесоюзной Омбоце Съездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 11—16
[ 11 ]

IV. АРТЕЛЕНТЬ ДЫ СОНЗЭ ПРАВЛЕНИЯНТЬ ДЕЯТЕЛЬНОСТЕСТ.

6. Артелесь обязуется ветямс эсь коллективной хозяйстванзо планонь коряс, точнасто ютавтомс тевс велень хозяйствань производствань плантнэнь ды государстванть икеле артеленть обязательстванзо, конатнень аравтызь робоче-крестьянской правительствань органтнэ.

Артелесь прими точнасто топавтомас: видемань, паринань парямонь, ряд [ 12 ]юткова обработкань, сюронь урядамонь, пивсэмань ды лов алов сокамонь плантнэнь, конатне составляются колхозтнэнь состоянияст ды особенностест коряс, ды истяжо животноводствань развитиянь государственной планонть.

Правлениясь ды артелень весе члентнэ обязуются:

а) кепедеме колхозонь паксятнень урожайностест правильной севооборотонь ютавтозь ды ветязь, алга соказь, сорняктнэнь истожазь, паринатнень ды лов алов сокамонть покшолгавтозь ды парсте теезь, технической культуратненень междурядной обработкань эсь шкасто ды парсте теезь, хлопкантень эсь шкасто окучиваниянь теезь, кода животноводческой товарной фермасто, истяжо колхозной кардазтнэстэяк саезь навозсо моданть навозязь, минеральной удобрениятнень путозь, велень хозяйствань вредительтнень каршо бороцязь, апак емавтне ды эсь шкасто парсте сюронть урядазь, оросительной сооружениятнень ванстозь ды ванькскавтозь, виртнень ванстазь, полезащитнойть [ 13 ]вирень полосатнень озавтнезь, местной земоргантнэнь ендо аравтозь агротехнической правилатнень кеместэ ютавтозь;

б) кочкамс видемань туртов сех паро видьметнень, ванькскавтомо сынст эрьва кодамо сордонть, парсте ванстомо салсемадо ды колемадо, ванстомо сынст кожодовиця ванькс таркасо, келейгавтомо сортовой видематнень;

в) келейгавтомо видема площаденть артеленть весе моданзо тевс нолдазь, бросовой модатнень паролгавтозь ды соказь-изазь, целинанть соказь (подъем) ды внутриколхозной землеустройствань ютавтозь;

г) целанек использовать общественной началань коряс весе кодамо ули тягловой виенть, весе инвентаренть, велень хозяйствань орудиятнень, видьметнень ды производствань лия средстватнень, конат принадлежат артелентень ды истя жо — весе трактортнэнь, двигательтнень, молотилкатнень, комбайнатнень ды лия машинатнень, конатнень робоче-крестьянской государствась [ 14 ]МТС-тнэнь вельде максы колхозтнэнень лездамонь кис, ладямс кодамо эряви уход обобществленной живой ды мертвой инвентаренть мельга, сень теезь, штобу коллективной хозяйствасо скотинась ды инвентаресь улевелть вадря состояниясо;

д) организовакшномс животноводческой фермат, тосо жо косо можна истяжо коневодческой фермат, ламолгавтомо ферматнесэ скотинанть ды паролгавтомо сонзэ породанть ды продуктивностенть, лездамо эсь члентнэнень, конат честнасто роботыть артелень производствасо, скалонь ды мелка скотинань заводямо тевсэ, племенной паролгавтозь производительтнень эйсэ обслуживать аволь ансяк фермань скотинанть, но артелень члентнэнь личной пользованиясо скотинантькак, тевс ютавтомо ладязь зоотехнической ды ветеринарной правилатнень;

е) келейгавтомо коромонь производстванть, паролгавтомо лугатнень ды скотинань ванома таркатнень, лездамо артелень члентнэнень, конат [ 15 ]добросовестнасто роботыть общественной производствасонть, максомс тенст, косо те можна, пользоваться колхозонь пастбищатнесэ, ды истяжо зярос можна макснемс личной пользованиясо скотинаст туртов кором трудочитнень кис;

ж) велень хозяйствань производствань весе лия отраслятнень развивать тарканть природной условиятнень коряс ды кустарной промыслатнень (развивать) райононть условиянзо коряс, ванстомс ды урядамс уликс зелтнэнь, теемс одт ды заводямс эйсэст калонь хозяйства;

з) организовамс общественной началатнень коряс хозяйственной ды общественной постройкатнень тееманть;

и) кепедемс артелень члентнэнь трудонь квалификацияст, лездамс колхозниктненень сынсест эйстэ бригадирэнь, трактористэнь, комбайнеронь, шоферэнь, ветеринарной фельдшерэнь ды санитаронь, конюхонь, свинарень, скотникень, чабанонь, пастухонь, хата-лабораториясо роботникень анокстамо тевсэнть;

[ 16 ] к) кепедемс артелень члентнэнь культурной уровенест, внедрять газетатнень, книгатнень, радионть, кинонть, строямо клубт, библиотекат ды читальнят, теемс банят, парикмахерскойть, строямо валдо ды ванькс стант паксясо, паролгавтомо велень ульцятнень, путнеме эзгаст эрьва кодат, сех пек сад чувт, лездамо колхозниктненень сынст эрямо таркаст паролгавтомасонть ды мазылгавтомасонть;

л) аватнень вовлекать колхозонь производствас ды артелентъ общественной эрямозонзо, способной ды опытной колхозницатнень руководящей роботас аравтозь, разгружая сынст зярос можна кудо-ютконь роботатнеде эйкакшонь яслянь, площадкань ды лия мезень организовамонть вельде.