Велень хозяйствань артелень примерной устав/3

From Wikisource
Jump to navigation Jump to search
Велень хозяйствань артелень примерной устав  (1939) 
Колхозниктнень-ударниктнень Всесоюзной Омбоце Съездэсь, edited by Вечканов С., Мурзин В.
III. Производствань средстватнеде.
Велень хозяйствань артелень примерной устав. Примизе колхозниктнень-ударниктнень Всесоюзной Омбоце С‘ездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 7—11
[ 7 ]

III. ПРОИЗВОДСТВАНЬ СРЕДСТВАТНЕДЕ.

4. Обобществляются: весе робочей скотинась, велень хозяйствань инвентаресь (плуг, сеялка, изамо, молотилка, косилка), видьмень запастнэ, коромонь средстватне истямо размерсэ, зяро эрявить обобществленной скотинанть трямс, хозяйственной постройкатне, конат эрявить артельной хозяйствань ветямс, ды велень хозяйствань продуктатнень переработкань весе предприятиятне.

Не обобществляются ды кадовить колхозной кудонь личной пользованияс: эрямонь постройкатне, сонзэ личной скотиназо ды нармунензэ, хозяйственной постройкатне, конат эрявить колхозной кудонть личной пользованиясо скотинанть кирдемс.

Велень хозяйствань инвентаренть обобществлениянть пингстэ кадови артелень члентнэнь личной пользованияс [ 8 ]велень хозяйствань мелка инвентаресь, кона эряви пире мода лангсо роботамсто.

Артелень правлениясь обобществленной робочей скотинастонть, бути эряви, явты зярояк алашат артелень члентнэнь личной нужатнень питнеде обслуживаниянь туртов.

Артелесь организови животноводческой смешанной товарной ферма эли бути улить ламо скотинат зярояк специализированной животноводческой товарной фермат.

5. Колхозной эрьва кудось зернань, хлопкань, свекловичной, лияназонь, мушконь, модамарень-эмежень, чаень ды табаконь районтнэсэ может кирдеме личной пользованиясо скал, 2 пряс рогатой од скотина, 1 авака туво левксэнзэ марто эли бути колхозонь правлениясь ловсы эрявиксэкс 2 авака тувот левксэст марто, 10 пряс реветь ды сеят велув, зяро мелезэ нармунть ды кудо нумолот ды 20-с нешкт.

Колхозной эрьва кудось развитой животноводства марто [ 9 ]земледельческой районтнэсэ может кирдемс личной пользованиясо 2—3 скалт ды, теде башка, од скотина, 2—3 авака тувот левксэст марто, 20—25 реветь ды сеят велув, зяро мелезэ нармунть ды кудо нумолот ды 20-с нешкт. Неть районтнэнень относятся, примеркс: Казахстанонь земледельческой районтнэ, конат аштить аволь смежнойть кочевойтнень марто, Белоруссиянь, Украинань Черниговской ды Киевской областнень полесской районтнэ, Барабинской степень районтнэ ды Западно-Сибирской краень Приалтайской районтнэ, Омской областень Ишимской ды Тобольской группань районтнэ, Башкириянь горной пельксэсь, Восточной Сибирень восточной пельксэсь, Дальневосточной краень земледельческой районтнэ, Северной краень Вологодской, Холмогорской группань районтнэ.

Аволь кочевой ды пельскочевой животноводческой районтнэсэ, косо модань сокамо-видеманть значениязо аволь покш, животноводстванть жо хозяйстванть ули [ 10 ]решающей ролезэ, колхозной эрьва кудось может кирдемс личной пользованиясо 4-стэ—5-с скалт ды теде башка од скотина, 30-стэ—40-с реветь ды сеят велув, 2-сто—3-с авака тувот левксэст марто, зяро мелезэ нармунть ды кудо нумолот, 20-с нешкт, ды истяжо вейкень-вейкень алаша эли вейкень-вейкень кумысной эльде эли 2 верблюдт эли 2 оселт эли 2 мулат. Неть районтнэнень относятся, примеркс: Казахстанонь скотоводческой районтнэ, конат смежнойть Казахстанонь кочевой районтнэнь марто, Туркмениянь, Таджикистанонь, Кара-Калпакиянь ды Киргизиянь животноводческой районтнэ, Ойротиясь, Хакассиясь, Бурято-Монголиянь западной пельксэсь, Калмыцкой автономной областесь, Дагестанской АССР-нь, Северной Кавказонь Чечено-Ингушской, Кабардино-Балкарской, Карачаевской ды Осетинской автономной областнень горной районтнэ, истя жо Азербайджанской, Армянской ды Грузинской ССР-нь горной районтнэ.

Кочевой животноводствань [ 11 ]районтнэсэ, косо земледелиянть значениязо малав кодамояк арась, животноводствась жо ашти хозяйстванть всеоб‘емлющей формакс, эрьва колхозной кудось может кирдемс личной пользованиясо 8-сто—10-с скалт ды теде башка од скотина 100—150 реветь ды сеят велув, зяро мелезэ нармунть, 10 пряс алашат, 5-стэ—8-с верблюдт. Неть районтнэнень относятся, примеркс: Казахстанонь кочевой районтнэ, Нагайской районось, Бурято-Монголиянь кочевой районтнэ.