САТЫ, ЦЬОРА, МЕЛЬГАН ЯКАМС
Саты, цьора,
Мельган якамс,
Елашкакс
Тят шаронда.
Саты пилькнень
Эса тапамс,
Кода тапсеть
Тялонда.
Тялонда тон
Улеть—цьора,
Книгат теень
Морафнеть.
Коста морсеть
Мокшень морот,
Сединязень
Солафнеть.
Ламоксть ащеть
Шра песа,
Ванонкшнеть,
Кода кштирдян,
Кизефнеть:
— Мзяра кесакт
Тялоть йотамс
Шумордан.
Эста, цьора, времась —
Тялоль,
Якшамти ловсь
Цяторкшнесь,
Пингонь рахсесь,
Явсесь даволсь,
[ 44 ]
Ловса китнень
Таваткшнесь.
Тяни, цьора,
Лия времась,
Большевиконь
Сась тундась:
Минь колхозоньке
„Од эряфсь”
Паксянь сокама
Кундась.
Сембе сокайть,
Инзайхть, видихть,
Тевоньке
Инголи тусть.
Ошста шефонеке
Лездыхть —
Паксязнок од
Трактор кучсть.
Эх, тефне
Паксяса лакайхть,
Тиемост эряви
Вий.
Колхозникне
Стак аф якайхть,
Нолась —
Од эряфонь мий.
Аньцек тон вдь,
Сюдуф цьора,
Лядоть валда
Эряфста,
Бта няемска
Аф йорат...
Ков тон, ков
Азк веляфтат?
Мес паксяса,
Межа йоткса
Уманяцень
[ 45 ]
Аварьфтьсак?
Цьора, пилькне
Лебонь лотксот —
Зря тоза
Ваяфтсайть.
Косот тялонь
Пара валхне,
Конатнень
Пяк кельголить?
Сюдуф,
Кялькнедязь
Кулакне.
Виде? Стане? —
Визделеть!
* * *
Эй, ударникт,
Тефне кенерсть,
Киза кучкань
Психне састь,
Роснень лангс ни
Товсь аф тяльги —
Сяконь ватт
Модати прайхть.
Лаймоть лангса
Туста тишесь
Пархцинь волнат
Геворди,
Минь колхозсонок
Тевонь учезь
Косилкатне
Цингордыхть.
Ударникне,
Фкя-фкянь йотазь,
Пиксыхть пеелепт —
Тёк, тёк, тёк...
Конат брузса
[ 46 ]
Эсост шовайхть —
Ижк, ижк, ижк, ижк,
Ижк, ижк, ижк, жёк.
Эй, ударникт,
Минь аваньке
Жнейкать вакска
Тарваст вешихть,
Синь бригадань
Ударнайста
Кели паксяв
Нума лисихть.
Пидихть шитне,
Лакайхть тефне,
Вирьса шуфттне
Псити пекстасть,
Паксянь, лаймонь
Од шачикснень
Ударнайста
Показь сявсаськ.
* * *
Тянкса мон
Келькса од эряфть
И паксянь
Од эряфонь вийть,
Тракторса
Межатне
Веляфтфт,
Инголи нолдаськ
Од тевть.
1931 к.
|
|
