Page:Безбородов М. И. Сочиненият 1-це томсь (1939).djvu/48

From Wikisource
Jump to navigation Jump to search
This page has been proofread.

САТЫ, ЦЬОРА, МЕЛЬГАН ЯКАМС


Саты, цьора,
Мельган якамс,
Елашкакс
Тят шаронда.
Саты пилькнень
Эса тапамс,
Кода тапсеть
Тялонда.
Тялонда тон
Улеть—цьора,
Книгат теень
Морафнеть.
Коста морсеть
Мокшень морот,
Сединязень
Солафнеть.
Ламоксть ащеть
Шра песа,
Ванонкшнеть,
Кода кштирдян,
Кизефнеть:
— Мзяра кесакт
Тялоть йотамс
Шумордан.
Эста, цьора, времась —
Тялоль,
Якшамти ловсь
Цяторкшнесь,
Пингонь рахсесь,
Явсесь даволсь,



43