Page:Tain Bo Cuailnge.djvu/42

From Wikisource
Jump to: navigation, search
This page has been proofread.

30

TÁIN BÓ CÚAILNGE


ainm. Lēicid Cūchulaind[1] aurchor fair co mbert a chend de. Druim ain na maignesin iarum ōsein[2] amach. Mad iar naraile slicht immorro is and romarbad in togān[3] bōi hi carput la Meidb ⁊ in peatæ eoin da urchoraib, acht is iar marbad Ōrlāim chena iarsint [ṡ]lichtsa.[4]

Dothīagad ass dino[5] arabārach tar Airdd.[6] Doslēici Cūchulaind riam. Dofuiric araid nŌrlāim maic Ailella ⁊ Medba i Tamlachtai Ōrlāim fri Dīsiurt Lōchait antūaid bicon[7] ic bēm[8] feda and. Mád iar naroile slicht immorro isihi[9] fertais charpait Conchulaind romaid, ⁊ is do bēim fertais[10] dochōid, intan cotrānic fri haraid nŌrlāim.[11] “Is nephnār a ndognīad Ulaid masat ē filed[12] sund thall,[13]” ol Cūchulaind,[14] “cēin file in slōg fora tairr.” Tēitseom cosin naraid día chosc; indar lis ba di Ultaib dō. Co naccai in fer oc bēim ḟeda .i. fertais[15] carpait. [23b] “Cid dognī sund?” olsi Cūchulaind.[16] “Fertais[17] carpait do bēimim,[18]” ol int ara; “robrisiseam ar carpaid[19] oc tafand[20] na hailiti ucut .i. Cūchulaind.[21] Congna frim,” ol int ara. Dēca namā in ba teclaim na fertus[22] dogēna fa nimscothad.[23]” “Bid a nimscathad ēm,” ol Cūc[h]ulaind[24].[25] Imscathais[26] iarum na fertse cuilinn tria ladra a glacc hi fīadnaisi a chēli, condacermnastair[27] itir rusc ⁊ fudbbu.[28] Nīb sī t'opar[29] comadhas[30] dobiur fort,” ol int ara. Baidnimomainsidi.[31] “Can duid?” ol Cūchulaind. “Ara Ōrlāim maic Ailella ⁊ Medba.[32] Ocus tusu?” ol int ara. Cūc[h]ulaind mo ainmse,” olse. “Rommaircge[33] sōn ēm,” ol int ara. “Nī āgither[34] nī,” ol Cūchulaind. “Cāit atā do t[h]igerna?[32]” “Atā isin fert[35] ucut,” ol int ara. “Coisle didiu as immalle frim,” ol Cūchulaind, “ar nī gonaimse arada[36] itir.” Tēit Cūchulaind
  1. ↑ Cú LU.
  2. ↑ osin LU.
  3. ↑ g seems to have been altered from t, and over it has been added a mark of aspiration
  4. ↑ Mad...[ṡ]lichtsa: “Mór in cuitbiud dúib,” ol Medb, “can tophund na erri angceóil ucut fil co for nguin.” Doberatsom iarom top[h]und fair iarsini (leg. iarsin), co robrisiset fertsi a carpat oca. LU.
  5. ↑ dano LU.
  6. ↑ tar Iraird Culend arabarach LU.
  7. ↑ bican LU.
  8. ↑ oc béim LU.
  9. ↑ leg. is sí: is fertas carpait Conculaind LU.
  10. ↑ fertas LU.
  11. ↑ Is é int ara rosben na fertsi mad íarsint slichtsa add. LU.
  12. ↑ file LU.
  13. ↑ tall LU.
  14. ↑ Cú LU.
  15. ↑ fertas LU.
  16. ↑ ol Cu LU.
  17. ↑ fertse LU.
  18. ↑ béim LU.
  19. ↑ carp˘ LU.; leg. cairptiu
  20. ↑ tofund LU.
  21. ↑ .i. Cūchulaind; Conculaind LU.
  22. ↑ fertas LU.
  23. ↑ fa nanimsctoad LU.; leg. fa a nimscothad
  24. ↑ Over Cucuꝉ is written int ara
  25. ↑ Cú LU.
  26. ↑ imscothis LU.
  27. ↑ condacermnastar LU.
  28. ↑ f has been added later: udbu LU.
  29. ↑ th' opar LU.
  30. ↑ The mark of aspiration is later
  31. ↑ bádnimomonside LU. = ba-dn-imomon-side
  32. ↑ 32.0 32.1 orse add. LU.
  33. ↑ romairgge LU.
  34. ↑ aigigt˘, with faint marks of aspiration over the two g's, YBL: agither LU.
  35. ↑ isind fertai LU.
  36. ↑ The last a added below the line: aradu LU.
Retrieved from "http://wikisource.org/w/index.php?title=Page:Tain_Bo_Cuailnge.djvu/42&oldid=355013"