Mattheo Capitulo 18

 1 In ille hora le discipulos se approximava a Jesus, dicente: Qui, alora, es major in le regno del celos? 

 2 E Jesus vocava un infante a se e le poneva in medio de illes

 3 e diceva: Amen, io dice vos:  Si vos non altera vos e non face vos como le infantes, vos nullemente 
   entrara in le regno del celo.

 4 Assi que qualcunque humilia se mesme como iste infante, iste es le major in le regno del celos.

 5 E qui recipe un sol infante como iste in mi nomine recipe me.

 6 Ma qui scandalisa un sol del iste parves que crede in me, illo es melior pro ille si un petra 
   de molino es pendite a su collo e ille es suffocate in le profundo del mar.

 7 Guai al mundo per le scandalos! Illo es necessari, que le scandalos veni, ma guai al homine
   per qui le scandalo veni!

 8 Ma si tu mano o tu pede te scandalisa, seca lo e jecta lo ab te, illo es preferite pro te entrar in 
   le vita sin mano o claude que tenente duo manos o duo pedes e esser jectate al foco eterne.

 9 E si tu oculo te scandalisa, remove lo e jecta lo ab te; illo es preferite pro te entrar con un sol oculo 
   in le vita que tenente duo oculos esser jectate al geenna de foco. 

10 Reguarda que vos non affronta un sol de iste parves quia io dice vos que lor angelos in le celos 
   semper vide le face de mi Patre in celos. [On omitte le versiculo 11 quia il es interpolate].

12 Que vos pare? Si certe homine arriva a tener cento oves e un sol de illos se disvia, non 
   lassara ille le novanta-nove in monte e vadera a cercar le perdite? 

14 Del mesme modo un desiderio coram vostre Patre in le celos non es que un sol de iste parves se perde. 

15 Ma si tu fratre pecca, vade, reprende le inter te e ille sol; si ille te ascolta, tu ha ganiate tu fratre. 

16 Ma si ille non ascolta, prende con te ancora un o duo personas, per bucca de duo o tres testes, tote 
   parola remane stabilite. 

17 Ma si ille non audi illes, dice lo al ecclesia e si etiam ille non audi le ecclesia, ille sia pro te 
   como le pagano o le collector de tributos. 

18 Amen, io dice vos, tote quante vos liga in terra illo essera ligate in celo, e tote quanto
   vos disliga in terra illo essera disligate in celo. 

19 De nove amen, io dice vos que si duo inter vos in le terra son concorde circa tote cosa que illes 
   demanda, assi les essera facite per mi Patre in celos. 

20 Quia ubi duo o tres se ha reunite in mi nomine, io illic in medio de illes esse.

21 Tunc Petro approximante, le diceva: Senior, quante vices mi fratre peccara contra me e io le perdonara?
   Usque septe vices? 

22 Jesus le dice: io non dice te usque septe vices ma usque septanta vices septe. 

23 Dunque le regno del celos ha essite comparate a un rege que voleva adjustar su contos con su servos. 

24 E ille habeva initiate adjustar su contos e un debitor que debeva dece milles talentos le era portate. 

25 Ma ille non poteva pagar e le senior ordinava que ille esseva vendite, con su femina e filios, 
   e toto lo que ille teneva, pro pagar le debito. 

26 E le servo se prostrava ante ille dicente: Tene patientia con me e io te pagara toto. 

27 E le senior de celle servo, commovite, le lassava vader e le perdonava le debito. 

28 Ma quando exiva celle servo incontrava un de su conservos que le debeva cento denarios e le sasiva 
   e le suffocava dicente: Paga me lo que tu me debe. 

29 E su conservo se prostrava e le supplicava dicente: Tene patientia con me e io te pagara toto. 

30 Ma ille non voleva e vadeva e le jectava in carcere usque ille haberea pagate lo que ille debeva. 

31 E su conservos videva lo que habeva devenite e se attristava multissimo e illes vadeva a referer a lor 
   senior tote le cosas. 

32 Tunc su senior le appellava e le dice: Servo maligne, io te perdonava tote tu debito jam que tu me rogava. 

33 Non era obligatori que tu anque commiserarea tu conservo como io commiserava te? 

34 E irascite su senior le transfereva al tormentatores usque ille haberea pagate tote su debito. 

35 Assi anque mi Patre celestial vos facera si cata un de vos non perdona vostre fratre ab vostre corde.

---

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev