Epistola I de Petro Capitulo 3

1  Similemente vos uxores, sia subjecte a vostre maritos, a fin que illes qui
   non crede al Parola, sia convertite sin parolas per vostre conducta, 

2  al considerar vostre vita caste e respectuose. 

3  Que vostre ornamento non sia in le exterior con belle capillaturas, o ornate 
   de auro, o vestes sumptuose 

4  mais in le secreto de un corde incorrupte ornate per un spirito benigne e 
   pacific, que al oculos de Deo es de grande precio.

5  Pois assi se adornava olim, le sancte feminas qui sperava in Deo, subjecte 
   a lor maritos,

6  como Sara qui obediva a Abraham, vocante le senior; ex le qual vos es nunc 
   filias, si vos face le ben sin timer nil perturbation 

7  Similemente anque vos maritos, convive con illas con sagessa, honorante las
   como le vaso plus debile. Perque illas es herede con vos del gratia del vita, 
   a fin que vostre orationes non sia impedite.

8  In fin, sia vos tote unanime, patiente, plen de amor fraterne,
   misericordiose, humile;

9  non rende mal per mal, o malediction per malediction, al contrario, 
   benedicente; pois que a isto vos esseva appellate pro hereditar le
   benediction.

10 Perque qui vole amar le vita e vider dies bon, que frena su lingua ex le mal
   e su labios de parlar con dolo;

11 que se abstine del mal e face le ben; que cerca e seque le pace;

12 perque le oculos del Senior es supra le justes e su aures es attente a lor 
   supplicationes; ma le facie del Senior es contra qui practica le mal.

13 E qui vos facera mal, si vos es zelante del ben? 

14 E si anque vos deberea suffrer per causa del justitia, beate vos! E non vos 
   turbar ni timer lor menacias; 

15 al contrario sanctifica in vostre corde Christo le Senior, sempre prompte a 
   responder con mansuetude e respecto a vostre defensa a quicunque vos demanda 
   le ration del sperantia que es in vos; 

16 habente un bon conscientia; a fin que sia avergoniate illes qui calumnia 
   vostre bon conducta in Christo. 

17 Perque es melio que vos suffre facente le ben, si isto es le voluntate de 
   Deo, que suffrer facente le mal.

18 Perque etiam Christo ha suffrite un vice per le peccatos, le justo per le
   injustes, pro conducer nos a Deo; mortificate in le carne, mais vivificate 
   in le spirito; 

19 e in spirito ille vadeva etiam a predicar al spiritos in carcere, 

20 le quales olim esseva rebelle, quando Deo expectava con patientia, in le dies 
   de Noe qui fabricava le arca; in le qual pauc animas, id est octo, esseva 
   salvate ex le aqua.

21 Que es un figura del baptismo (non le purification del immunditia del carne 
   mais le requesta de un bon conscientia ante Deo), qui nunc salva anque vos, 
   mediante le resurrection de Jesus Christo,

22 Qui ascendeva al celo, al dextra de Deo, ubi le angelos, le principatos e le 
   potentias le sta subjecte.

---

1 2 3 4 5

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev