Zent Ladina Dolomites

From Wikisource
Jump to navigation Jump to search
Zent Ladina Dolomites
by anonim
grafia moderna

Zent Ladina Dolomites.

Zent Ladina Dolomites
Da gran tenpo destacade;
Co ra forza desunides
Seon restade abandonade!
Da gran tenpo fate sćiae
E sfrutade d’ ogni ves;
Senza leje daante i staie
Seon fenide sote i pes!
Ma se agnere sparpagnade
Par el mondo on bù da śì;
Se da dute sacagnade
Seon restade par de pi
No par chesto che i no crede
Che ra forza one pardù;
Che l’ corajo, che ra fede
Dal nosc cuor s'in see śù.
Al contrario, rinforzada,
On ancuoi, ra vorontà
De podé, pa ra nosc strada,
Tornà a vive in libertà!
L'é par chesta, se nos dute, -
Che, outramente no podon
Se defende i nosc derite; -
On vorù 'sta nostra “Union”.