Wymysöjer siejny makia

From Wikisource
Jump to navigation Jump to search
[ 36 ]

Wymysöjer siejny makia

Wymysöjer siejny makia,
di kyna zich ju siejn brata.
Y dy kiych gejn zy siejn ogyciün,
an ym kracium śtejn zy byfür.
Y dy kiych gejn zy siejn ogyciün,
an ym kracium śtejn zy byfür.

Dy pobütkla müsa glaonca,
do zy beser kyna taonca.
Z muölla mü ny zajn gyśłosa,
do zy beser kyna pössa.
Z muölla mü ny zajn gyśłosa,
do zy beser kyna pössa.

Ym gyśtaołtła siejny ruza,
do zy beser kyna kuza.
Zyłwer krojcła ufum haocła,
do zy z giełd hon śtejn ym maocła.
Zyłwer krojcła ufum haocła,
do zy z giełd hon śtejn ym maocła.



This work is licensed under the Creative Commons Attribution-ShareAlike 3.0 Unported license.