Tomas de Cuz
- (Bruchstück. 1861.)
- 1.
Chel pere Tomas de Cuz l jìa valch outa d'invern a se tor n stroset de legna, per se la vener. Na uta i ge à tout l stroset e la legna e i ge à sequestrà dut. L'istà de aost l'é jit via n le scole, giusta che i fajea sescion. L'à vert l'usc e l disc con duta maniera: "Onorada raprejentanza vegne a me tor chel stroset, che ades (d'istà) no l durade mia più."
- 2.
N'autra outa l'era chiamà sa Vich n giudizie, perché l'era jit a legna. L giùdize l'à scomenzà a l domanar fora, mo Tomas no verjea l mus. L giùdize se enira, mo chel auter tasc semper. "Mo ditemi per cosa non volete parlare?" domana l giùdize. E chel auter con n mus da sperdù respon: "Lustriscem m'é pissà, che ampò i me picia; dapò tant che die po valch o no. L giùdize e chi etres, che era aló, i se à grignà na teisa.