Teachtaireacht na Nollag agus na
hAthbhliana ón Uachtarán na hÉireann
Micheál D. Ó hUigínn
[ 00:09 ]Guím gach beannacht agus gach rath oraibh uilig agus muid ag tnúth le chéile Nollaig shona shíochánta.
[ 00:17 ]A leithéid de bhliain a bhí againn!
[ 00:19 ]Bliain inar chailleamar an oiread sin daoine de bharr na paindéime. [ 00:23 ]Blian inar athraíodh saol an oiread sin daoine ó bhonn, agus iarrachtaí coiteann á ndéanamh againn chun aire a thabhairt dá chéile.
[ 00:31 ]Le linn na bliana seo, nuair a thugamar aghaidh le chéile ar dhúshlán na paindéime domhanda, iarradh orainn tabhairt faoi athraithe deacrach inár slite maireachtáil. [ 00:44 ]Athraithe a d’éiligh go leor teacht aniar, féiníobairt agus comhbhá uainn go léir.
[ 00:49 ]Ba mhaith liom a rá, mar Uachtarán, gur údar sásaimh a bhí ann an fhlaithiúlacht a léiríodh le linn na tréimhse deacra sin.
[ 00:57 ]Bhí an t-ádh orainn go léir gur taispeánadh eiseamláirí gan áireamh den fhéiníobairt i measc na n-oibrithe riachtanacha, na gcomharsan agus na dteaghlach, agus a ndícheall á dhéanamh acu, chun teacht i gcabhair orainn uilig agus ar a chéile.
[ 01:12 ]Nuair a smaoinímid le linn na Nollag ar a bhfuil tar éis tarlú le gairid is féidir spiorad na dlúthpháirtíochta a bheith mar réalta solais againn agus muid ag dul i dtreo na hAthbhliana, a mbeidh dúshláin romhainn inti, ach a mbeimid ábalta tabhairt fúthu le misneach mar gheall, agus mar thoradh, ar a bhfuil déanta againn i gcómhar lena chéile.
[ 01:36 ]Agus muid ag obair linn ag iarraidh srian a chur ar COVID-19, agus é ag cur as dár saol, ní mór dúinn gach dícheall a dhéanamh. [ 01:43 ]Ní mór dúinn, ní hamháin dearcadh na saoránachta a léiriú, ach é a chur i lár an aonaigh.
[ 01:51 ]Ní mór sin chun fís choiteann a bheith againn, den solas a thiocfaidh má oibrímid as láimh a chéile, agus ár n-iarrachtaí á neartú againn chun an coróinvíreas a chur faoi chos.
[ 02:04 ]Más mian linn an dlúthpháirtíocht a spreagadh, ní mór dúinn, ar ndóigh, leochaileacht daoine eile a thuiscint.
[ 02:12 ]Ba bhliain dhúshlánach 2020 dúinn go léir. [ 02:17 ]Maidir le grúpaí leochaileacha, áfach, méadaíodh tionchar Covid-19 as cuímse.
[ 02:23 ]Creidim gurb iad an chomhbhá agus an cúram a léirímid do ghrúpaí dá leithéidí a gcuimhneofar orthu, sa stair amach anseo.
[ 02:33 ]D'fhoghlaimíomar le míosa beaga anuas an luach a bhaineann leis an cineáltas a léiríonn cúram na ndaoine sin go léir atá mar bhaill d’ár bpobal.
[ 02:43 ]Tá cuid mhaith samplaí feicthe againn de shaoránaigh stuama a chuir an leas coiteann chun cinn ar a míanta féin, a rinneadh íobairtí agus iad ag díriú ar leas daoine eile seachas a bheith ag smaoineamh go cúng orthu féin.
[ 02:58 ]Tosaíonn Scéal na Nollag le h-aistear fada agus deacair chuig Beithil, agus luaitear é mar fhoinse ré nua agus tús saol níos fearr don chine daonna.
[ 03:09 ]Riamh anall, léirigh an Nollaig tráth dóchais agus athnuachan dóchais, tráth chun misneach a fháil, fiú faoi na cúinsí ba dheacra agus ba thrioblóidí.
[ 03:21 ]Inniu, mothaímid buairt iad siúd ar cailleadh daoine muinteartha leo i mbliana.
[ 03:28 ]Roinnimid, freisin a gcrá, leo siúd ar athraíodh a saol agus a slí mhaireachtála ó bhonn, agus nach bhfuil a fhios acu cad atá i ndán dóibh, agus seasaimid gualainn ar ghualainn lenár gcáirde, lenár muintir agus lenár gcómharsana atá scoite amach agus scartha uathu siúd a bhíodh á gcothú.
[ 03:52 ]Cuimhnímid i mbliana, freisin, go háirithe orthu siúd go léir nach raibh in ann taisteal chun a bheith lena muintir ach a bheidh, mar sin féin, i spiorad leo le linn fhéile na Nollag.
[ 04:05 ]Leanaimis linn ar aghaidh ar an aistear áfach, i spiorad an dóchais agus na comharaíochta. [ 04:12 ]Agus muid ag pointe cinniúnach i stair ár náisiúin, is fúinn féin an bóthar a shiúlfaimid a roghnú.
[ 04:18 ]Tá Éire nua ag fanacht lena breith an Nollaig seo, Éire ar féidir léi a bheith níos fearr má tá na fiúntaisí cearta againn; Éire ar féidir léi aghaidh níos fearr a thabhairt ar ár saol coiteann, ar ár leochaileacht choiteann agus ar ár n-idirspleáchas.
[ 04:35 ]Inniu, agus muid ag druidim thar ghrianstad an gheimhridh agus fadú na leathanta romhainn, cuimhnimid ar na féidearthachtaí atá le fíorú fós agus réitímis dul ar aghaidh i spiorad na dlúthpháirtíochta, ionas go mbeimid ábalta ár mbealach a dhéanamh go cúramach, le háthas i dtreo ár dtodhchaí le chéile.
[ 04:57 ]Guím Nollaig shona daoibh uilig agus Athbhliain lán dóchais agus síocháin.
[ 05:02 ]Beir beannacht.
