Son jì da chela vedua

From Wikisource
Jump to navigation Jump to search
Son jì da chela vedua  (1882)  by Gustavo Venturi
ladin Cazet
grafia moderna

Son jì da chela vedua.


Son jì da chela vedua
che l’ à na fia da maridèr.
Mia fia l’ é massa jona,
no l’ é fia da maridèr.
Spetaron amò tre egn
che mignol più grana la vegnerà.

Te chela la disc cheste parole,
sia fia è montà a ciaval.
Canche l’ era in mez al mer,
so ciaval é descomparù.
Nel mer ela dijea:
ah per semper son perduda!
En la cesa del moroso,
i sonadores me speterà!
En la cesa de mia mere,
sospirs e vaes sarà!
Mia cern, così bianca
i pesc del mer la magnarà!
Mi sanch così douc
la balena lo bearà!