[ 6 ]
Aizigolob, nen lif „soelik“
da nebeli nepesevik Tala
äs jitevan in län nekulivik
pezisumöl fa stil sofik nata…
ab bläd Goda aizugom obi
de ziläk talik äli levali…
[ 7 ]
Deno stal hitik löfa serupom,
pekälöl me liedod lenobik:
me mekädün vegi aituvom
dai luts lavik Sila subimik.
aidanüdöl klänafulíko
ä plonöl dolis benotoniko.
Seilolös! soeliko binob,
zenodü dikod flamas vemik mil;
laböl loapi neredik plonob,
ekö… yof blefik pubom in nebel,
ab depuböl vifiko in nosi,
fugob soalik soelik isi.
O „löfan magifik“ ko hers blonik,
stepol (pekleotöl me mäneot)
äso blägik vio loged olik.
[ 8 ]
atos jenos segun löfa büdot
e liedod vemik sölom obsi,
eblinöl ole ed obe yofi.
Ekö! lüg e rel binom pekluböl,
ag me lad tremöl logob löfani,
lio löfäl paifebiedöl,
romöl lifi oma ed obiki –
kikod „Lemekal subimik vala,
no zügem obi äli püd Süla?
Lio belem: petegöl nifiko,
airivom seitlik al Süli,
mü nat jekik kudafuliko
logedob len jol votik dölodi,
binob aiyamöl, dü fät pedom,
kikod lad soelik blibön mutom?
[ 9 ]
Soelik! senob in lügäl kläni,
God! dalob te flenöfi juitön,
fe logib löfa leklämik nämi,
aispelöl: nog pluo al getön.
Senäl Goda osevom yufön alos;
nen OL, binob soalik ed in nos.
O yof kiomik (me blöt pemuföl)
me lefred ifi in tom klänöfik,
löf blibom glorik „lani beläböl
löfäl legivom vonis nezedik
jiute, kel labedof koslöfi,
„li-givol o löfan te flenugi?
[ 10 ]
Blibob soelik! va li-evelo
lips ola okidoms medi oba?
stümob oli, äs Cherubi iso,
if blefol me drimams slipi oba,
so odagalob süpido vokol:
Mama! dem fred ebinob deilöl –
Fugolös dölod leklinik oba,
vamolös „löfan obe peravöl,
blibolös fimik inü lad oba,
konsefolös löfi aldulöl!
da hedüni e dolis ple ob,
tän no fövo soelik oblibob.