Sù la lobbia
Jump to navigation
Jump to search
| ←Sù i scal | Sù la lobbia (1894) by |
Sù i mezzanitt→ |
Ei, la sa minga? – Cosa? – La biondin
L'ha trovaa el merlo che le vœur sposà...
– Ma d bon? – Sì, davvera... – Ah, cristoffin,
Questa l'è bella, voj, l'è de cuntà!
– Ma chi l'è el cappellôn? – L'è el Luisin,
El fiœu de la padronna chi de cà.
– E quell'affare sott al scossarin?...
– Mah!... a lee tocca... la ghe pensarà...
– Ah, se ved di bej robb al dì d'incœu...
Se perd el coo e se deventa matt!
Cossa var l'onestaa?... Ma fèmm di fiœu!
– I bonn tosann, l'è vera, haan pari a sbatt,
No gh'è on can che je vœur, sura Lenin,
I marì gh'hin domà per i sciavatt!...