Sën Jan, sën lascete ma cunté

From Wikisource
Jump to navigation Jump to search
Sën Jan, sën lascete ma cunté  (1838)  by Tone Agreiter
ladin Mareo
grafia moderna


Sën Jan, sën lascete ma cunté


1.

Sën Jan, sën lascete ma cunté,
I m' an feji n pü' morvëia:
Che te t' as entopé sën de te maridé,
Che t' âs denant tan pücia vëia.

2.

T' âs denant madër ligrëza
Con vicí, sanc y spaternöres;
Al ne t' á porchël mai fat tristëza,
Y al ne t' an röará, canche te möres.


3.

Bën, sën alda mio bun fre:
Ci ch' i te diji encö:
Con Dio aste scomencé
Con Dio finëscela ince tö.


4.

Chël Bun Dio t' á daidé
Fina sën dagnora ennant,
Te vëighes pö da de a de,
Che da d' Ël anse döt cant.


5.

Bën sce mio bun fre,
Confida en Dio dagnora plü;
Ël t' aiüta encö y vigne de
Chël aste bën dagnora odü.