Säks kil
Frédéric, reg de Pleusän, ilabom kösömi dunön säkis kil suköl solate alik nulik kel änitlidom in milit omik: Lifayelis limödik labol? yels limÖdik binoms das binol in milit obik? Li-getol nomamafo soledi e nulüdi olik?
Vöno, flentel yunik, kel no äsevom deutapüki, älsumom in milit rega.
Frédéric ämütom sulogön omi pos dels kil. Ek ädunom lenadön nebuko ome gepükis kil in ked segun kel reg ädunom kösÖmo säkis. Ven, del kilid, Frédéric, sulogöl militi omik, älogom solati nulik, no äfögetom dunön ome säkis omik; ab etna äbeginom neläbo dub säk telid:
- Yels limödik binoms das binol in milit obik? - Yels telsebal, mayed. - Liko! Yels telsebal! lifayelis limödik labol ibö? - Delis kil, mayed. - A! reg äsagom, bal obas tel epölüdom tikäli. - Bofik valik kuladiko, yunel ägesagom, kel äklödom das reg ädunom ome säki kilid. - Milö! Frédéric äsevokom, binos balidna das lilob nemön obi fopik. Flentel, kel isagom kelosi valik änolom deutiko, änepükom. Katan äspidom plänön räti rege, kel äsmilom mödo.
Se Volapük: Gased bevünetik tedelik, nolik, literatik e gälodik 1887, Nüm: 10, Pad: 92.