Rengrazion mé la Madona
Rengrazion mé la Madona
Tanc ulëssa vester riches per jì do a si plajëi
De dutrines y perdiches ne n' ulëssi plu nsavëi
Gor si cëses arbandunëssi, per n' unì plu mulestei,
Jì medrë ntëur ulëssi ma per viver coche mei.
O pudëssen pu daniëura sté almancul te si luech,
Sce nes jiss' nce vel ëura, velch n crëusc y no mé puech;
Chësc ne fossa puech y nia, a cunfront de ruvé demez,
Y d' avëi per cumpania jënt che nes ulëssa demez.
Rengrazion mé la Madona, nëus duc canc che son mo tlo,
Tlo nes vala mpo mo bona, gran plu bën ne vala inió
Dut l mond ne ve cuntënta, sce zerchëis mé gudimënc,
Chëi che à n pue la stënta ie dl solit plu cuntënc.
Chël Bel Die nstës ne s' tlama mé i beac, y gran ricons,
Or y arjënt arei a sama ma nce crëujes a cestons.
Alincontra spezialmënter tlama i pueresc, Die, beac,
Po sarai plu bonamënter bën a paravis de viac.
Ëis audì sciche Idie rejona dla richëzes de chësc mond?
Si sentënza nscila sona y ve l dij n auter pont:
Tres n busc de n' odla passa plutosc bën n gran camel,
Ma n ricon cun si gran cassa va a paravis plu mel.