[ 29 ]
Vöno Mülel älödom
Müli ninlänedik
Blimöl ome nulüdi
Nen kud u töp mödik!
Plo Reg ledom päbumom
Nilü mülil bapik:
E bi rüböl lenlogi
De dil züma jönik.
Reg älofom mülele
Moni plo lem müla;
«Me mon», äsagom ome,
«Kanol bumön zülna»!
»No zepob», mülel sagom;
»Lüvob ciles oti;
»Polom fata läbadi,
»Iso finob lifi.
»Mül binom obse divik,
»Famül obsa iso
»Elifom sis yels mödik,
»De fat al son suko».
Reg fovom, «Si, mülel, «ho,»
[ 30 ]
Reg sevokom zunik,
»Binob masel ola ¡Vo!
»Kinän binom obik.
»If no vilo oyilol
»Mülol yilön näme».
»Pölons, o Reg, ogolobs
»Foviko Cödele!»
Cödel ta Reg äcödom!
So Reg vilöl yilön,
»Labol giti, äsagom,
»Müli ola kipön!»
Du yels mödik älifoms,
Reg e Mülel, flenik!
Nem de ledom — «Sansouci»
De Reg — «Friedrich Gletik».