— 29 —
ZESÜD BALID.
«Osumobs uti kelosi zesüdobs», binos välapüked de Socialits* de Chicago. Gased topik sembal konsälom das beginoms-la fa sumön bani bal.
Zubiría.
MUSIGEL RILÄNEL.
Cif musigelas (al rilänel sembal yunik, kel vilom nütlidön in klubi): «Li-pledol ko lil u notüf?»
Rilänel: «Nebofik! pledob ko nams».
Marks.
Reg e Mülel.
Vöno Mülel älödom
Müli ninlänedik
Blimöl ome nulüdi
Nen kud u töp mödik!
Plo Reg ledom päbumom
Nilü mülil bapik:
E bi rüböl lenlogi
De dil züma jönik.
Reg älofom mülele
Moni plo lem müla;
«Me mon», äsagom ome,
«Kanol bumön zülna»!
»No zepob», mülel sagom;
»Lüvob ciles oti;
»Polom fata läbadi,
»Iso finob lifi.
»Mül binom obse divik,
»Famül obsa iso
»Elifom sis yels mödik,
»De fat al son suko».
Reg fovom, «Si, mülel, «ho,»
