Page:Literat Vpk.pdf/29

From Wikisource
Jump to navigation Jump to search
This page has not been proofread.

— 28 —

Vendelakanit.

1. Vekömö! o vendel beatik
Lade juitöl gäliko
Oli so klietöl e vonik!
Peglidolöd leladliko!
2. In smakalod legälöl ola
Tima liedis fögeton,
I fögeton hiti zendela,
Vilöfik al danön binon
3. Vekömö! vendel meiladik!
Gevol fenike takedi,
Pladol in leflubis paladik,
Obse lüsmulol beati.

Hagmann. (Jveizän).


GALAN.

Söl vemo galanik lesagom in sälun, das ekolkömom nesemöpo lädi nejönik, Bal lädas plisenik, kel labof nudi löliko peplatöl, sagof: Ed ob, no li binob nejönik? — Ol, läd venudik gepükom söl, binol lanel pefalöl se sül....; te efalol su nud!


CIT.

Li sevol spänapüki? äsäkom Reg Louis XIV gabe de Saint-Aignan. — No ägesagom Saint-Aignan, ab olenadob omi.

Gab, niludöl das reg ädesänom danemön omi as legateli al kut spänik, ätöpom lenadön spidiko spänapüki.

Pos estudön oti ko töbs mödik ägolom komü Reg ed äsagom ome: Nu kanob nünön Mayede olik das sevob spänapüki. — Benö! ägepükom Reg, Sikodo okanol lilädön Don Quijote in vobuk rigadik de Cervantes.

Cit kimik!

Fabin.