Ra nostra bandiera

From Wikisource
Jump to navigation Jump to search
Ra nostra bandiera
by anonim
grafia moderna

Ra nostra bandiera.


Ra nostra bandiera,
Rʼ on sempre daante
Col zielo lanpante,
Ogni ora del dì.
On, lassù ra zimes,
El bianco de l’ jazo
Tacà al paonazo
Del zielo, el pi bel.
E sote ra crodes
El verde de i bosche,
De i prade, de i losche
Che Dio, El m’ à donà.
Ra stema sul canpo
De chiste colore,
Rʼ on senpre inz’ el cuore:
Ra nostra “Edelweiss”.
Chel fior, de ra crodes
Tra i fiore, l’ pi raro;
Chel fior, el pi caro,
Parce che lʼ é el nosc!
Co r’ anima d’ oro,
Che l’ vieste d’ arśento;
Che sol Iʼ é contento
De stà, lassù, in pasc!
Par chesta, el se sfida
Co r’ enfa de i vente,
Coi sguaze, e i tormente
Che i manda śo l’ ziel.
Cuscì son nosoutre,
Tacade a ra crodes;
Che inveze de loudes
Voron libertà!
Che, can che d’ inverno
El nieve l’ me cuerśe;
Speton, ‒ par daerśe,
D’ ousciuda, ‒ el nosc cuor.
E intanto preon Dio
Che i nostre colore:
De pasc e d’ amore,
I torne a trionfà!