Quickborn/Min zuckersöt Suschen

From Wikisource
Jump to navigation Jump to search
<-- De Sneierlus Quickborn Ol Trin anne Lamp -->

Min zuckersöt Suschen, wat wullt du di grämn?
Kumt Wihnachten wedder, so will ik di nehmn!
Wüllt Pepernæt kopen un Hasselnæt knacken,
Un so’n groten Koken ut Deeg wüllt wi backen!

Min zuckersöt Suschen, nu gräm di ni sehr!
Denn ward wi mal öller, so danzt wi ni mehr!
Denn schrapt wi den Grapen, denn schrapt wi dat Geld,
Denn gat wi mit so’n lange Näsen to Feld!

Min zuckersöt Suschen, nu gräm di man nich!
Ik heff noch dree Süsselnk, dat weest du man nich!
Dree Süsselnk un Dreelnk, un so’n groten Hot!
Un’n grishempen Geldsack, noch eenmal so grot!