Quickborn/Inne Fremdn

From Wikisource
Jump to navigation Jump to search
<-- Wenn de Lurk treckt Quickborn Dar weer en lüttje Burdiern -->

Dat gift keen Land so grön un so schön -
O weer ik wedder to Hus!
Dar singt de Vageln so fröhli,
Dar is de Schatten so köhli -
O dat ik wannern muss!

En Garn de liggt dar achter den Tun,
Dar blömt de Rosen so roth.
Mit Leefste de neem sik en Annern,
Gesellen un de mæt wannern:
Ade, du Leefste, lev wol!

Un Vader is dot, un Moder is dot -
O leeg ik dar ünner de Eer!
Dar sungn de Vageln so fröhli,
Dar weer de Schatten so köhli -
Ik seeg di nimmermehr!