Prose e poesie bellunesi 2011/10
Jump to navigation
Jump to search
| ←Prose e poesie bellunesi 2011/9 | Prose e poesie bellunesi 2011 by Amoor, amoor |
Prose e poesie bellunesi 2011/11→ |
Eliana Olivotto
Ranpegar.
Là su.
Lontan … senpre pi su …
su chela croda lissa, in pié …
dreta come an mur,
na maceta nera, picenina,
an ragnet granpà
co le so zate, fis,
sol al cor de n pensier,
na voia granda de rivar
che dis … “Ades, voi veder mi!”
Assa taser le crode
Drio spetar …
Assa che se ferme l fià de l aria,
dei usei, dei pez, dei pin …
An miracol.
Desmentegada indrio la tera,
te riva su:
l ultimo sol in medo a n blu …
che pi blu no se pol.
(Ospedal-Ospitale di Cadore)