Poetische Versuche in westfälischer Mundart/Tischlied

Poetische Versuche in westfälischer Mundart

(Melod.: Ça ça geschmauset.)

      To, to geschmuset,
      Hier is an nix Verschiäl,
      Wenn Katten muset,
      Mau't se nich viel.
Iätet un drinket, so lang et noch schmaken will,
Weg met de Soargen, un weg met de Grill.

      So nett bie'n eene
      To sitten üm den Disk,
      En Hiärt von Steene
      Würd' daobi frisk.
Stautet an Glas an Glas, kriegel mott Alles siehn,
He weckt de Freude, de smackliche Wien.

      Gaiht nich för Feste,
      Woa Frauen sind met bi,
      Dat is dat Beste,
      Schönste dücht mi.
Stautet an Glas an Glas, ropet so recht, so recht:
Hauge sall liäwen dat schöne Geschlecht!

      En kloken Ehemann
      Is de de Frau met nimp,
      Gaiht't auk girn Moargen an,
      He krigg kien Schimp!
Weg met de Soargen un weg met de Knurrerie
Wie hävvt de Wiewerkes sölver met bi.

      Alloh ji Süstern hier
      Alloh ji Bröers bi,
      Nu niemt ju Glas es wier
      Un roapt met mi:
Haug liäwet alle! un de Gemöthlichkeit,
De sall bestoahen bes in Ewigkeit!