Poetische Versuche in westfälischer Mundart/De guden aollen Tieden

De aol - len Tieden un de nie'n, wu

se verschaiden sind, denn graut will nu en

Jieder siehn bes up dat kleine Kind.

Dat Geld rulleert es wäör et Dreck, all
So lang' es't us-sen Geldbül smäck dao

Dage Jux-e-rie,	O je-rum je, o
sinn wi met der bi!

je-rum je, dat mag ick gar nich lieden, ick

loawe mi, ick loawe mi de gu-den aollen

Tieden.

För düssen wass 'ne junge Därn'
De Moder ähr Stoah'bi
Arbaiden daihn de Wichter gärn'
So ist't nich mehr, dücht mi!
Süss laipen der so aislick full
Nich Dages up de Straot'
So stiew insnört, un stump tu dull,
Is denn doch auk de Staod.
:,: O jerum je :,: :c.

Vör aollers wass noch Sparsamkeit,
Un Ordnung in et Land,
Nu sind de Lüd' nich so gescheut,
Liäwt merst von Hand in Tand.
Dat aolle Fett von Vader, Moor,
Dat smiärt sick bolle up,
Un all' de Staod von Süster, Broor,
Dat giff 'ne dünne Supp'.
:,: O jerum je! :,: :c.

Drunl man in aollen Tieden Wien,
Dann drunk man Humpens full,
Nu gaiht't ut Gläskes klein un fien,
Un ut 'ne glas'ne Pull'.
Getaufet is meist all de Wien,
Wenn he hier kümp in't Land,
Un wiedertaufet sall he sien,
Bes ji'n hävvt in de Hand.
:,: O jerum je! :,: :c.

All ehr Jaohrs danz'den ganz sedaot
De Lüde Minewett,
Se niegden sick nao'n Takt akraot
Dat lait so aislick nett.
Es schühe Piärde raoset se,
Jetzunder in Galupp.
De wahne Crinoline, de
Fänk up ähr mänchen Schupp.
:,: O jerum je! :,: :c.

Wat brau'de jieder Wärdh allehr
En prächtig Glas Aolt-Beer,
Nu hävvt se dat Recept nich mehr,
'tis alle in Verwehr!
Twiälf Penn'ge kostet nu dat Glas,
Un fröher niegen män,
Tor Tied, woa der wat ächter wass —
Woa sind de Tieden hän?
:,: O jerum je! :,: :c.

Wenn hüt'gen Dag's so'n Kärl nich wäd
Von Rindflesk fett un dick,
Pariser Flesk de Snieder häd,
De wehd dat met Geschick,
In Buksen, Röcke in to naihn
Woa't faihlet öäwerall,
Dat beste Auge kann't nich saih'n,
So'n Kärl is rund un drall.
:,: O jerum je! :,: :c.

Es Apen goaht de Kinder Hut'
Met Röck' bes an de Kneih';
Ganz blaut man Hals un Schuldern süht,
Mi grus't, wenn ick et saih.
De Damen bruset dör de Straot'
Un slöärt den Dreck to Haup,
Se laot't es Luftballons akraot.
So is de Weltverlaup.
:,: O jerum je! :,: