Pitla Storia bibia/N29

←N28

Pitla Storia bibia Gejù vën prejentà al popul y cundanà a mort.

N30→

Gejù porta la crëusc.

I saudeies ti ie śën sautei ite a Gejù y ti à zarà demez l mantel de scarlat. Po' ti ai inò trat sëura si guant y ti à metù na crëusc drët pesocia ados y l menova demez per l mëter sula crëusc.

Gejù strascinova la crëusc per la cuntredes y la stredes de Gerusalem verscio l mont de Calvario. Na gran fola de jënt jiva dant y do. Cun Gejù menovi mo doi ladrons per mëter nce chisc sula crëusc.

Te chëla che Gejù fova sun streda, univel drë dala campagna n uem, che ova inuem Scimon. Chësc fova de Zirene da cësa. Ël ulova passé via, ma i saudeies l à pià su y l à sfurzà a judé a purté la crëusc a Gejù.

Danter la fola de jënt, che cumpaniova Gejù, fovel nce n valguna bona ëiles, che bradlova do Gejù y se lamentova, che l univa tratà tan mel. "Sciche n aniel vëniel menà ala becaria y ël ne gëura la bocia."