Per le Fauste Nozze Michele Menardi e Marietta De Gaspari
Per le Fauste Nozze Michele Menardi e Marietta De Gaspari.
Spose,
Ancuoi che el voto ardente
Del Vosc core 'l é conpì,
In sto dì che finalmente
Pronuncià aé el gran Sci,
Anche ió, sé se contente
Un Eviva Ve voi fei,
Senza tante conplimente,
A ra bona,… meo ch' el sei,
Ho! 'l é ca co ra so rimes
Calchedun el me dirà,…
Te pos taje in su ra primes,
Sti por spose, lascia stà
Asto ades mo da te mete,
Ch' i é strache che mai pì
Ch' i no pensa poerete,
Che al momento de s' in śì!...
Crede pur, no i é contente,
Tʼ i fesc solo sbadeà,
Ió t' el digo francamente
I to verse lascia là…
El sei ben, no stento el crede,
Aé duta ra rajon,
Ma, sti Spose co se vede,
Ci de taje élo mai bon…
Anzi per chesto,
Alolo ades
Fajoni un viva,
Coi gote pies
Ch' i see felice
Zent' ane e pì,
Alegre senpre
Come in sto dì
Che ra so vita,
See duta un fior,
Per sempre unide
Da vero amor…
E can pì tarde
Tenpo sarà,…
Viene un bel Pizo,
A i ralegrà…