Per la mëssa nevela de seniëur Engel da Plazola
Per la mëssa nevela de seniëur Engel da Plazola.
La mësses neveles ie daniëura beles,
Sibe d'inviern sibe d'istà,
Y chësc ie na gran urità,
Che duc l disc, y ie enghe l é purvà!
Danz che l ie frëit a dì mëssa da Nadel
Ma l ie pa nasciù nce Chël Bel Die
D'inviern, te na stala y metù te na cianel.
Ma nëus Salvans ne se lamenton,
Tulon la bela festes da ogni sajon.
Y nëus Salvans son daniëura fortunei
Percie mësses neveles n'onse canche mei.
O sci benedeta Sëlva, fortuneda ies inò
Percie da lonc iel unì jënt da caprò,
A fé unëur a n auter jëun de nosta comun
Che ie sta sagrà ora preve chësc mens ai vintun.
pagina:20
Y per chësc ncuei l onse udù
A dì la mëssa nevela cassù.
Ncueindì de San Stefun de Nadel
Y audì onse la bela perdica de seniëur Antone da Fussel .
Dut robes che consola a dì dut te na parola
A ulëi n pue' cunscidré,
A udëi dì mëssa Engel da Plazola
Y a udëi si jurman a perdiché.
O sci seniëur Primiziant
Tu ies la gauja che duc à consolazion;
Chësc per nëus duc ie l dì plu sant
A giapé da te la benedescion.
Tu ies chël jëun furtunà
Che per pudëi mené anes a Idie
Daniëura bel mpont es fat y studià
Y per chësc cunsulazions ares minechie.
O cuntentëza de ti pere y de ti oma
O alegrëza de ti fredesc y surans,
O cunsulazion de ti parënc nsciuma
Y de tan de jënt, che vuel te bussé la mans.
O cie bel che ti ess pa nce sapù
A udëi l seniëur Primiziant dì mëssa cassù
A mi berba da Persenon
Ma ël ie, zënza avëi chësta cunsulazion.
Seniëur Primiziant, auter ne resta da fé
Che dut l bon y bel te bincé.
Va a Trent per n valgun mensc mo
Y po ite te Gherdëina a pisté y perdiché sëuraprò.
Ntant un Eviva duc ulonse i fé
Drët de cuer y adaut cighé y cianté:
Eviva, eviva al seniëur Primiziant
Un eviva da nëus duc pitli y grant!