2.43 ಹಂಪನಾ ನನ ಒಂಜಿ ಸಾಲ್‌ನ್ ಇಂಗ್ಲೀಷ್ ಅಪಿಟ್ ತೋಜಾದೆರ್
(ಹಂಪನಾ, ೧೯೭೬,ಪುಟ.೮೦)- Malpiniakouroukonkoubj ಇನ್ನಿನವೆನ್.
ಇಂದೆನ್ ಸುರುಟು ತೂವನಗ ಇಂದೊಂಜಿ ನಿಜವಾದ್ಲಾ ಗ್ರೀಕ್ (ಇನ್ನಗ ತೆರಿಯರೆಗಾವಂದಿನ) ಇಂದ್‌ದ್ ತೋಜುಂಡು. ಆಂಡ, ಇಂದೆತ ಸಂಧಿ
ವಿಂಗಡನೆ ಸುಲಭವುಂಡು. (ಇಂದೆಕ್ ಪರಿಚ್ಛೇಧ ೧.೩೪ ಕೂಡಾ ತೂವೊಲಿ).
ಇಂದೊಂಜಿ ರಾಗೊಡು ಪಣ್ಣಿನ ಪಾಡ್ಡನದಂಚನೇ ಉಂಡು, ಗ್ರೀಕ್ ಅಪಿಟ್
ರಡ್ಡ್ ರಡ್ಡ್ ಸ್ವರಾಕ್ಷರೊಲು ಸೇರ್ದ್ ಒಟ್ಟಿಗ್ ಒರ್ಪಿನವು ಒಂಜಿ ವಿಶೇಷ. ಮಿತ್ತ್‌ದ ಪದ್ಯದ ಸಾಲ್‌ನ್ ವಿಂಗಡನೆ ಮಾಳ್ಪುಗಾ.
Malpiniak | ourouk joukoubj
ಮಲ್ಪಿನಾಯ್ಕ್ | ಒರೋಕ್ ಓಕೋಬ್‌ ಅಥವಾ
ಮಲ್ಪಿನಾಯ್ಕೆ | ಒರೊಕು | ಓಕೊಮುಜೆ-<....ಇಂದು ತುಳು ವಾಕ್ಯ
ಅತ್ತಾ?
Malpe Naik does not answer at once. ಅಮಲೇರ್ದಿನಾಯೆ,
ಸ್ವಯದಾಂತಿನಾಯೆ ಇಪ್ಪನಗ ಒರೊಕು ಓಕೊಂಚಿನ ಸಾಧ್ಯನಾ?
ಈ ಪ್ರಹಸನದ ಜಾಗ ಈ ನಾಡ್‌ಡೇ ಇತ್ತ್‌ದ್ ಈ ನಾಡ್‌ದ ಪಾತೆರೊ ಗ್ರೀಕ್ ಪ್ರಹಸನ ಕರ್ತೃ ಕೇಣ್ಣಿನಂಚ ಬರವಣಿಗೆಡ್ ತೋಜಾದೆ. ಓಕೊಂಬುಜೆ ಇನ್ಪಿನಯಿಟ್ ಅನುನಾಸಿಕ ಉಚ್ಚಾರ ತೀರಾ ಕಮ್ಮಿ ಆದುಪ್ಪನ ತೂವನಗ ಜನಮಾನಿನ ವೇಗೊದ ಪಾತೆರೊಗು ಸಮವಾದುಂಡು. ಪಾತೆರೊ ಕೇಣ್ಣಿನಾಯನ ಕೇಣ್ಣಿನವು ತಪ್ಪೋ ಅಥವಾ ಬರವಣಿಗೆಡ್ ಆಯಿನ ಎಳ್ಯ ಕೈತಪ್ಪೋ ಅಂತೂ, ಪಾತೆರೊ ತುಳುಟು ಸ್ಪಷ್ಟ ಅರ್ಥಕೊರ್ಪುಂಡು.
ಈತ್‌ಮುಟ್ಟದ ವಿಶ್ಲೇಷಣಿ ಕೊರ್ಪಿನವು ಈ ಕೃತಿಕಾರನ ಕರ್ತವ್ಯ.ಇಂದೆನ್ ಸರಿತಪ್ಪು ವಿಚಾರ ನಿರ್ಧಾರ ಮಲ್ಲುನವು ಓದುಗೆರೆಗ್ ಸೇರ್ದಿನವು.
ಬೋಡಾಯಿನಾತ್‌ ದೇಶಿ ಶಬ್ದಲು ಈ ಗ್ರೀಕ್ ಪ್ರಹಸನೊಡು ಇತ್ತಿನದಾವರೆ,
ಈ ಪ್ರಹಸನ ಬರೆತಿನ ಕ್ರಿಸ್ತ ಶಕ ಒಂಜನೇ–ರಡ್ಡನೇ ಶತಮಾನೊಡು ತುಳು-ಕನ್ನಡ ಭಾಷೆಲು ಅಸ್ತಿತ್ವೊಡು ಇತ್ತಾ ಇನ್ಪಿನಯಿಕ್ ಒಂಜಿ ದಾಖಲೆಯಾಪ.
ಪೆಲ್ಮಡಿ ಶಾಸನ
2.50 ನಂತ್ರದ ಮಲ್ಲ ದಾಖಲೆ ಪಲ್ಮಡಿ ಶಾಸನ-ಕ್ರಿ.ಶ. 450ದವು. ಪೆಲ್ಮಡಿ
(ಹಾಲ್ಮಡಿ) ಹಾಸನ ಜಿಲ್ಲೆದ ಗ್ರಾಮೊಡು ತಿಕ್ಕಿನ ಈ ಶಾಸನ ಕನ್ನಡ ಭಾಷೆದ
ತುಳು ಪಾತೆರೊ
