ಅಶೋಕನ ಶಿಲಾಲೇಖ 2.20 ತುಳುಭಾಷೆಡ್ ಪ್ರಾಚೀನ ಗ್ರಂಥಲಂತೂ ಇಜ್ಜಿ. ಒಂಟಿತುಂಡು ಕಣ್ಣಿಡ್ ಕೆತ್ತಿದಿನ ಶಿಲಾಲೇಖ ಕೂಡಾ ತಿಕ್ಕುಜಿ ಈತನಟ ಇನ್ನಗ ತುಳುಭಾಷೆನೇ ಇತ್ತ ಇನ್ನಿ ಸಂದೇಹ ಪಿದದಕಳಿಗ್ ಬರ್ಪಿನವು ಸಹಜ, ತುಳುಭಾಷೆ ಕ್ರಿಸ್ತಪೂರ್ವ ಮೂಜನೇ ಶತಮಾನೊಡು ಇಂಡ, ಅಯಿಕ್ ಆಧಾರ ದಾನೆ ಇಂದ್‌ ಅಕುಳು ಕೇಣುನ ಸಹಜ. ಅಂಕ್ ನಮ ಉತ್ತರಲಾ ಇಜ್ಜಾಂದೆ ತರತಗ್ಗಾವುನ ಪ್ರಸಂಗ, ಆಂಡ, ಈ ನಾಡ್‌ಡ್ ಜನಮಾನಿಯಂತೂ ಇತ್ತೆರ್, ಅಕುಳು ಒಂಜಿ ಭಾಷೆ ಪಾತೆರೊಂದಿತ್ತೆರ್ ಇನ್ಸಿನವು ನಂಬರೆ ಸಾಧ್ಯ. ಜನಮಾನಿ ಇತ್ತೆರ್ ಇನ್ಸಿನಂಕ್ ಪ್ರಿಯದರ್ಶಿ ಅಶೋಕನ ಗಿರಿನಾರ್‌ದ ಮಲ್ಲ ದಾಖಲೆನೆ ತೋಜಾವೊಡು. ಸತಿಯಪುತ್ತೋ ಇನ್ನಿನವು ಕೇತಲಪುತ್ತೊದ ಒಟ್ಟುಗು ಇಪ್ಪುನ ಪ್ರದೇಶ. ಕೇತಲಪುತ್ತೊ ಇನ್ಸಿನವು ಇತ್ತೆದ ಕೇರಳವಾಂಡ, ತಮಿಳುನಾಡ್ಡ ಚೋಳ, ಪಾಂಡ್ಯ ರಾಜ್ಯಲು ಶಾಸನೊಡು ತೋಜಿದ್ ಬತ್ತದ್, ನನ ಒರಿನನಾಡ್ ತುಳುವನಾಡ್ ಆದುದುಪೊಡು ಇಂದ್‌ ಚರಿತ್ರಕಾರರೆನ, ವಿದ್ವಾಂಸೆರೆನ ಅಭಿಪ್ರಾಯ. ಸತಿಯಪುತ್ತೂ ಇನ್ನಗ ಸತ್ಯ ಪುತ್ರ ಇಂದ್ದ್ ಸಂಸ್ಕೃತ ಅನುವಾದವಾಂಡ, ಈ ನಾಡುದಕುಳು ಸತ್ಯವಂತೆರಾ ಇಂದ್ದ್ ತೋಜುನ ಸಹಜ. ಡಾ| ಕೆ.ವಿ. ರಮೇಶೆರೆ ಪ್ರಕಾರ "ಸದಿಯ" ಇಲ್ಲಿ ಪುದರ್ ಮೊಗವೀರ,ಬಿಲ್ಲವ ಜನಾಂಗಲೆಡ್ ಇತ್ತದ್ ಈ ಸತ್ಯಪುತ್ರ ಇನ್ನಿನವು ತುಳುನಾಡೇ ಇಂದ್‌ಡಾಂಡ, ಟಿ.ಬಿ ಪಣ್ಣಿನವು ನನಲಾ ಸ್ವಾರಸ್ಯವಿತ್ತಿನವು. ಆರ್ ಪರ್: Athiyaman (King of Athiya) is whose honour the poetess Avaiyar composed some poems as identified with Sathiyaputha by K.V.Shesha Iyer is evidently correct, though his opinion that s of sathiyaputa is a secondary development is naturally the reverse of the truth.Tamil Athiyar is the name of the people and word man, which is shortened form of makan,son is added to this precisely as Cheraman title of Chera kings which corresponds in the same way to Asoka's Keralaputo. Athiya > Sathiya must ofcourse be a native name and cannot be connected with Skt.Satya-true." ಆಂಡ ಸತಿಯಪುತ್ತೋ ಪ್ರಾಕೃತ ಭಾಷೆದ ಶಬ್ದ. ಅಂತ ಸಂಸ್ಕೃತದ ಅರ್ಥದ ಮಿಫ್, ಉತ್ತಮ (worthy) ಇನ್ವಿ ಅರ್ಥ ಪಡೆದೌಂಡ, ಶಿಲಾಲೇಖ ಕರ್ತೃ ಈ ಜನಮಾನಿನ ತೂದ್ ಅಕುಳು ನಿಷ್ಠೆ ಇತ್ತಿನಕುಳು, ಉತ್ತಮ ಸಂಸ್ಕೃತಿದಕುಳು ಇಂದೇ ಸತಿಯ> ಅತಿಯ ಪದ ಪ್ರಯೋಗ ವಾದುಪ್ಪುನ ಸಾಧ್ಯ. ಅಂಚಾಂಡ ತುಳುನಾಡ್ಡ ಆ ಕಾಲದ ಜನಮಾನಿಲು ಧನ್ಯರತ್ತಾ? 67 ಬುಧಾನಂದ ಶಿವಳ್ಳಿ
