ಭಾಷೆದ ಸ್ವಚ್ಛತೆಗ್, ಅಯಿತ ಪೊರ್ಲುನ್ ಎಚ್ಚಿಗೆ ಮಳ್ಪರೆ ಭಾಷಾಶಾಸ್ತ್ರ ಅಗತ್ಯವುಂಡು.
1.81 ಬರವಣಿಗೆ (ಬರವು) ಪಾತೆರೊದ ಛಾಯಾಚಿತ್ರ. ನಂಮ ರೂಪೊಡು ಕಾಲಕರಿನಂಚನೇ ಮಾರ್ಪಾಟಾವೊಂದು ಪೊಪುಂಡು. ಅಯಿಟತ್ರ ನಮ ಛಾಯಚಿತ್ರೊನು (ಫೊಟೊ) ಅಪಗಪಗ ದೆಪ್ಪಾವಾ. ಅಂಚನೇ ಪಾತೆರೊಡು
ಕಾಲಕಾಲೊಡು ಮೂಡ್ದ್ ಬರ್ಪಿನ ವಿವಿಧ ಮಾರ್ಪಾಟಲು, ಛಾಯಚಿತ್ರದಂಚ ಬರವುಡ್ ದಾಖಲಾದ್ ತೋಜಿದ್ ಬರೆರೆಗ್ ಸಾಧ್ಯವಾಪುಂಡು. ನಂಕ್ ತುಳು ಪಾತೆರೊ ಎಣ್ಮನೆ ಶತಮಾನೊಡು ಇತ್ತ್ಂಡಾ ಇನ್ಪಿ ಪ್ರಬಲ ಸಂದೇಹ
ಬರ್ಪುಂಡು. ಚಿತ್ರವಾಹನ ಆಲೂಪೇಂದ್ರ ಪಾಂಡ್ಯನ ಕಾಲೊಡು ತುಳುವ ಪಾತೆರೊ ಇತ್ತ್ ಜಿ ಇಂದ್ದ್ ಏರಾಂಡಲಾ ಪಂಡೆರ್‌ಡಾ ನಮ ಅವೆನ್ ನಂಬುವಾ, ದಾಯೆಗಿನ್ನಗ, ಆ ಕಾಲೊಡು ಶಿಲಾಲೇಖಲು ತುಳುಭಾಷೆಡ್
ಇತ್ತಿನಯಿಕ್ ದಾಖಲೆ ಇಜ್ಜಿ, ಈ ಇರ್ವನೇ ಶತಮಾನೊಡು ತುಳುಭಾಷೆ
ಅಸ್ತಿತ್ವೊಡು ಇತ್ತಂಡಾ ಇಂದ್ದ್ ನನೊಂಜಿ
ಶತಮಾನದ
ನಂತ್ರದಕುಳೆಗ್‌ಲಾ ಆತೇ ಸಂಶಯ ಬರುವು! ದಾಯಗಿನ್ನಗ ಮಲ್ಲ ಗ್ರಂಥಲು
ಸಾಹಿತ್ಯಲು ಅಯಿಟ್ ಇದ್ದಿ. ಜನಮಾನಿ ಅವನೇ ಜನಾಂಗಿಕ ಮೂಲಭಾಷೆದ
ಲೆಕ್ಕೊ ಪಾತೆರೊಂದು ಇತ್ತೆರ್ ಇನ್ಪಿ ವಿಷಯ ಅಕುಳು ಮಾತ್ರ ತೆರಿವೆರೆ.
ಬ್ರಿಜೆಲೆರೆನ ಇಂಗ್ಲೀಷಿಡ್ ಬರೆತ್ತಿನ ವ್ಯಾಕರಣ ಅಕುಳೆಗ್ ತಿಕ್ಕ್oಡ .
ಈತಾಂಡ ನಮ ನೆರೆಕರೆತ್ತ್ ಕನ್ನಡ ಭಾಷೆ ಏತ್ ಬಲತ್ದ್ ಬತ್ತಿದಿತ್ತಂಡ್
ಇಂದ್ ದ್ ತೆರಿಪಾವೆ ಕವಿರಾಜಮಾರ್ಗಕಾರೆ . ಪಂಪಭಾರತ, ಗದಾಯುದ್ಧ,
ವಡ್ಡಾರಾಧನೆಡ್ ಕನ್ನಡ ಭಾಷೆ ಎಂಚ ಇತ್ತ್ಂಡ್, ಕೇಶಿರಾಜನ ಕಾಲೊಡು
ಏತೊಂಜಿ ಚಕಾರಾಂತ ಕ್ರಿಯಾಧಾತುಲು ಆ ಭಾಷೆಡ್ ಇತ್ತಾ ಇಂದ್ ದ್
ತೆರಿಪುಂಡು. ನಂತ್ರ ಜೈಮಿನಿ ಭಾರತೊಡು ಇಪ್ಪುನ ಕನ್ನಡ ಭಾಷೆಗ್‌ಲಾ
ಕವಿರಾಜಮಾರ್ಗದ ಕನ್ನಡೊಗುಲಾ ಇಪ್ಪುನ ವ್ಯತ್ಯಾಸ ತೆರಿದ್ ಬರ್ಪುಂಡು.
ಕೇಶಿರಾಜನ ಕಾಲದ ಮುಟ್ಟ ಏತೋ ತುಳು ಶಬ್ಧಲು ಕನ್ನಡ ಕಾವ್ಯಲೆಡ್
ಅಂಚನೇ ಉಚ್ಚಾರ ಅರ್ಥಪತ್ತೊಂದು ತೋಜಿದ್ ಬತ್ತಾ. ನಂತ್ರ ಬಹುಷಃ
ಮುದ್ದಣನ ರಾಮಾಶ್ವಮೇಧ ಇನ್ಪಿ ಗದ್ಯ ಕಾವ್ಯೊಡು ಅತ್ತಾವಂದೆ ಬೇತೆ
ಕನ್ನಡದ ಕಾವ್ಯಲೆಡ್ ತುಳು ಶಬ್ದಲು ಮಾಜಿದೇ ಪೋಯಾ! ಇಂದ್
ದಾಯೆಗ್? ತುಳುವ ಭಾಷೆ ಕವಿರಾಜಮಾರ್ಗದ ಕಾಲೊಡು ಇತ್ತಜಿಡ,
ಅಯಿತ ಕೆಲವು ಪದಲು ಕನ್ನಡೊಡು ಇತ್ತೆ ಪ್ರಚಾರದಾಂತೆ ತುಳುವೊಡು
ಮಾತ್ರ ರೂಢಿಡೇ ಇಪ್ಪರೆ ಕಾರಣ ದಾನೆ? ಇನ್ಪಿ ಹಲವು ವಿಷಯದ ಮಿತ್ತ್
ನಂಕ್ ತಿಳುವಳಿಕೆ ಬರ್ಪಿನವು ಭಾಷಾಶಾಸ್ತ್ರದ ಅಧ್ಯಯನೊಡು.
1.82 ಬರವಣಿಗೆಗ್ ಅಗತ್ಯ ಲಿಪಿ. ಕೆಬಿಕ್ ಕೇಣುನ ಧ್ವನಿಮೆಲು ಕಣ್ಣ್ ಗ್
ತೋಜಾವುನವು ಲಿಪಿಲು. ಇನ್ನಗ ಪ್ರತಿ ಒಂಜಿ ಧ್ವನಿಮೆಗ್ ಒಂಜಿ ಲಿಪಿ ಸಂಜ್ಞೆ
ಬುಧಾನಂದ ಶಿವಳ್ಳಿ
