Indo-European languages." ಇಂಗ್ಲಿಷಿಡ್ ಲಿಂಗ ಪ್ರತ್ಯಯ ಕ್ರಿಯಾಪದತ ಮಿತ್ತ್ ಪತ್ತುಜಿ.
ಉದಾ: He| came; she| came; it| came.
1.63 ಪ್ರತ್ಯಯಲು ಅರ್ಥವಿಪ್ಪುನ ಪದವಾದುಳ್ಳ. ವಿಭಕ್ತಿ ಪ್ರತ್ಯಯಲು ಕೂಡಾ ಅರ್ಥವಿಪ್ಪುನ (morpheme) ಆಕೃತಿಮಲಾದುಳ್ಳ. ಉದಾಹರಣೆಗಾದ್‌ ಕನ್ನಡದ ಕೇಶಿರಾಜನ ಪ್ರಖ್ಯಾತಿ ಪಡೆತ್ತಿನ ವಿಭಕ್ತಿ ಪ್ರಯೋಗ ತೂಲೆ:-
ಕನ್ನಡ
ಮರನಿರ್ದುದು ಮರನಂ ಕಡಿ ।
ಮರದಿಂ ಮಾಡಾನೆಯಂ ಮರಕ್ಕೆ ನೀರಂ ।
ಮರದತ್ತಿ ಣಿನೆಲೆ ಬಿೞ್ವುದು ।
ಮರದದು ಪಣ್ ಮರದೊಳೆರು ತಳಿರ್ತಿರು ಮರನೇ ।।
ತುಳು ಭಾಷಾಂತರ
ಮರವಿತ್ತ್ಂಡ ಮರೊನ್ ಕಡಿಪ ।
ಮರೋಡ್ದ್ ಮಾಳ್ಫನೆನ್ ಮರೊಕ್ಪಾಡ್ ನೀರ್ನ್ ।
ಮರತಲ್ಪಡಿಟಿರೆ ಬೂರಂಡ ।
ಮರತವು ಪಂರ್ದ್ ಮರೊಟಿರೆ ತಿಗ್ಲೊಂದಿಪುಲಾ ಮರನೇ ।।
ಮುಲ್ಪ ಮರ್+ಉ+ಕ್ ಇನ್ಪಿನವುಲು ಕ್ ಚತುರ್ಥ ವಿಭಕ್ತಿ. ಅಯುತ ವ್ಯುತ್ಪತ್ತಿ ಕೈಪದೊಡ್ಡ್. ಕ್ ಇನ್ನಗ ಕೈಪದತ ಅರ್ಥವಿಪ್ಪುನ ಕನಿಷ್ಟ ರೂಪ, ಪ್ರತ್ಯಯ. ಆಂಡ, ಪ್ರಥಮಾವಿಭಕ್ತಿ ಪ್ರತ್ಯಯವಿಜ್ಜಿ ಇನ್ನಿನ ಸಾಮಾನ್ಯ ತೀರ್ಮಾನವುಂಡು. ಮರ+ಉ ಇನ್ಪಿನವು, ಲಿಂಗ, ವಚನ, ವಿಭಕ್ತಿದ ಮಿತ್ತ್ ಪ್ರತ್ಯಯ ಸೇರ್ದಿನ ಶಬ್ದ. ಮೂಲಶಬ್ದ ಮರವಾದ್, ಉ ಪ್ರತ್ಯಯ ವಿಭಕ್ತಿ ಪ್ರತ್ಯಯವೇ ಇನ್ಪಿನಾತ್ ಸುಲಭವಿಜ್ಜಿ. ಇಂದೆಕ್‍ಲಾ ಡಾ। ಜಿ.ಎಸ್.ಗಾಯಿ ಯೆರ್ ಪಣ್ತಿನ ಪಾತೆರೊ ಮನನೀಯ:-
"The stem itself or the stem with gender suffix forms the nominative singular. In modern scientific linguistics the nominative case here will be said to possess morpheme zero."
[Historical Grammar of Old Kannada- by G.S.Gai].
1.64 ಗುಣವಾಚಕಲೆಗ್ ಪ್ರತ್ಯಯ ಪತ್ತುಜಿ. ಉದಾ: ಸುಂದರೆ ಅದಿತ್ತಿನ ರಾಮೆ, ಸುಂದರ ರಾಮೆ. ಅಂಡಾ ಕ್ರಿಯಾಪದಲೆಗ್ ಪತ್ತುನ ಪ್ರತ್ಯಯ ಸೇರುನ ಉಂಡು. ಉದಾ: ರಾಮೆ ಶೂರೆ (ಎ ಪ್ರತ್ಯಯ), ಆಯೆ ಧೀರೆ(ಎ ಪ್ರತ್ಯಯ), ಪೊರ್ಲುದ + ಆಳ್ ಇತ್ಯಾದಿ. ಈ ಗುಣವಾಚಕಲು ನಾಮಪದಲೆಗ್ ದುಂಬುಡು ಬರ್ಪಿನಿ ಎಚ್ಚಿಗೆ. ಉದಾ: ಶೂರ ರಾಮೆ ದುಷ್ಟ
ತುಳು ಪಾತೆರೊ
