- ಆಪ್ ಭಾಷೆಲು ಅಕಳೆಗ್ ಗೊತ್ತು ಇಡ್ಕೊಂಡಲಾ, ಕೆಲವು ಮಲ್ಲ ವ್ಯವಹಾರಲು ಗುಪ್ತ ಸಂಜ್ಞೆಲೆನ ಮುಖಾಂತರ ಟವೆಲ್ಲ ಅಡಿಕೈ ಕೈ‌ಲ್‌ನ ಮುಟ್ಟೋಂದು ಮ್ಹಾಲ್ ಅಲೆ- ಚೌಕಾಲ ಮಳ್ಳುವ ಕ್ರಮಲಾ ಉಂಡು. ಕಣ್ಣನ್ನೆಡ್ ಪ್ರೀತಿ ಬೂಬ್ಬಿನ ಆಣ್‌ಪೊಣ್ಣುಲು ಅಕುಳನ ಇಂಗಿತ ತೆಲಪಾವುನಲಾ ಉಂಡು. ತಿಗತ ಕೆಲಂಜಿಲು, ತಿಗದ ಪಟ್ಟದ ಸುತ್ತ ಗುಂಕುಟೊಂದು ರಾಪಿನವುಲಾ ಉಂಡು. ಈ ಮಾತಾ ಸಂಜ್ಞೆ ಸಂಕೇತಲು ಪಾತೆರೊದಂಚನೇ ವರ್ತಿಪುವಾ, ಭಾರಿ ಕೆಲಸೋಲು ಸಾಗುವಾ. ಪ್ರೇರಣೆ ಪ್ರತಿಕ್ರಿಯೆಲು ಪಾತೆರೊ ಅಥವಾ ಸಂಕೇತದ ಮೂಲಕ ನಡಪುನ ರೀತಿಡ್ ಇಂದೆಕುಳು ಸ್ವಾಭಾವಿಕ ಇಂದ್‌ ತೋಜುವಾ. ಈ ಸಂಜ್ಞೆ ಸಂಕೇತ ಮುಖಚರ್ಯೆ (gestures) ಪಾತೆರೊದಂಚ ಸ್ವಾಭಾವಿಕ ವರ್ತನೆ ಆವೊಡ್ಡ, ಈ ಸಂಕೇತಲೆನ ಉಪಯೋಗ ಮಳ್ಳುವ ರೀತಿಗೆ ಅನುಭವ, ಅಭ್ಯಾಸ ಬೋಡಾಪುಂಡು. ಉದಾ: ತಂತಿ ಸಮಾಚಾರಲು ಒಂಜಿ ಊರುಡ್ಸ್ ನನೊಂಜೆಕ್ ಕಡಪುಡುನ ಈ ಸಮಾಚಾರಲು, ಎತ್ತಿನ ಜಾಗೆಡ್ ಅವ್ವ ರೀತಿದ ಅರ್ಥ ಕೊರ್ಪಿನವಾಂಡ ಮಾತ್ರ ತಂತಿ ಸಮಾಚಾರ ಫಲಕಾರಿ. ಅಂತ ಸಂಕೇತ ವ್ಯವಸ್ಥೆ ಉಪಯುಕ್ತ ಅಟತ್ರ ಈ ಸಂಕೇತಲು ಸಮಪರ್ಕ ರೀತಿಡ್ ನಡಪುಡರೆಗ್, ತಂತಿ ಸಿಬ್ಬಂಥಿಲೆಗ್ ತಕ್ಕಂತಿನ ತರಬೇತಿ ಕೊರ್ಪಿನ ಪದ್ಧತಿ ಉಂಡು. ಅವೇ ರೀತಿಡ್ ಪಾತೆರೊ ಕೂಡಾ ತರಬೇತಿದ ಮೂಲಕನೇ ಯೋಗ್ಯ ರೀತಿಡ್ ಅರ್ಥ ಸೊರ್ಪಾವರೆಗ್ ಸಿದ್ಧವಾಪುಂಡು. 1.43 ಪುಟ್ಟನ ಪುರಕಟ್ಟಿ ಬಾಲೆಗ್ ಸುರುತ ಪಾತೆರೊ, ಸಂಕೇತ ಬುನವೇ ಬಡವಾಪುಂಡು-ಪೇರ್ ಬೋಡು ಇಂದ್‌ ಬಾಲೆಗ್ ಪಿನ್ನಾವರೆ ತೆಲಿಯಂದ್‌, ಬುಲ್ದಂಡ ಬಾಲೆಗ್ ಫೇರ್ ಬೋಡು, ಇಂದ್‌ದ್‌ ಪಿನೊಂಬಳ ಅಪ್ಪೆ: ಪೇರ್ ಕೊರ್ಪಳ್, ಬಾಲೆ ಬುಲ್ವುವ ಓಣಿಯುಂಡು, ಬಾಲೆ ಅಮ್ಮ ಇನ್ನಿ ಪಾತೆರೊನು ಸಮೀಪದಕುಳು ಪದವೆನೇ ತೂದ್, ಅಕುಳನ ಬಾಕೆಲಸ ಮಾಳ್ಳುವ ರೀತಿನ್ ಅನುಕರಣೆ ಮಳ್‌ದ್, ಅಮ್ಮ ಅಪ್ಪ ಪಣೀರೆ ಕಲ್ಪುಂಡು. ಈ ಅನುಕರಣ ನೀತಿ ಮಾನವ ಮಾತ್ರವತ್ ಮಾನವಕುಲ ಸಮೀಪವರ್ತಿಯಾದುಪ್ಪುನ ಮಂಗೆಡ್ಡೆಗ್ ಕೂಡಾ ಸ್ವಭಾವದತ್ತವಾದುಂಡು, ಬಾಲೆದ ಸುತ್ತುಮುತ್ತದಕುಳು ಪಾತೆವಸಗ ಉಂಡಾಪಿನ ಶಬ್ಧ ತರಂಗಲು ಬಾಲೆಗ್ ಶಬ್ಧ ಉತ್ಪತ್ತಿ ಮಳ್ಳುವ ವಿಧಾನೊನು ಹೋಟಾದ್ ಕೊರ್ಪಾ. ಅಂಡಲಾ, ಪಾತೆರೊ ಸಿದ್ಧವಾಪಿನ ಕ್ರಿಯೆಟ್ ತರಬೇತಿ ಬಂಜ ಸ್ವಾಭಾವಿಕತೆ ಒಂತೆ, ಪಾತೆಲ್ವಿನ ವಿಷಯ ಸರಿಯಾದ ಪ್ರತಿಕ್ರಿಯೆ (reaction) ಕೊರೆರೆಗಂತೂ ತರಬೇತಿ ಅವಶ್ಯ ಯಾಂತ್ರಿಕತೆ ಪಾತೆರೊದ ಕಾಬೊಡು, ಉಪಯೋಗೊಡು ಒಂಟಿ ಅಂಗ, ಅವೆನ್ ತರಬೇತಿದ ಮುಖಾಂತರ ಪಡೆತ್ತೊಂದು ಬಾಲೆಗ್ ನಾಲೈನ್ ವರ್ಷ ಪ್ರಾಯ ಅವನದ, ಅಗತ್ಯದ ಪಾತೆರೊದ ವಿವಿಧ ಉಚ್ಚಾರ ಕೈಗೂಡ್ಸ್ ಬರ್ಪುಂಡು. ಅಂಚನೇ ಪಾತೆರೊದ 35 ಬುಧಾನಂದ ಶಿವಳ್ಳಿ
