ಕವಿತೆ, ಸಾಹಿತ್ಯರಚನೆ ಆದ್, ಕೆಲವೊಂಜಿ ಪ್ರಯೋಗಲು ವ್ಯಾಕರಣಕಾರನ ನಿರ್ಧಿಷ್ಟ ನಿಯಮಲೆನ್ ಮಿರ್ ಪೋದು, ಆಯೆ ತಾನ್ ಸಿದ್ಧಮಾನ ಸೂತ್ರಲೆಗ್ ಅಪವಾದ ಪಿತ್ಪಾವುನ ಅಗತ್ಯಲಾ ಬತ್ತಿನ ಉಂಡು. ಈತ್ ಅಂಡಲಾ, ಪಾತೆರೊದ ಮಳ್ಕೊಡು ಭಾಷೆ ಸದಾ ಪ್ರವಾಹ ರೂಪೊಡು ನಡತ್ತೊಂದು, ಸಂಸ್ಕಾರ ಹೊಂದೊಂದು, ವ್ಯಾಕರಣ ಒಂಟಿಕಾಲದ ಭಾಷೆದ ಸ್ವರೂಪ ವೈಶಿಷ್ಟ್ಯಲೆನ್ ತೆರಿಪಾವುನಕ್ ಉಪಯೋಗವಾಸಿನವುಲಾ ಆಂಡ್. ಮಾತ್ರಾ ಉದಾಹರಣೆಗೆ ಇಂಗ್ಲೀಷ್ ಭಾಷೆಡ್, ಅಪಗಪಗ ವ್ಯಾಕರಣ ಗ್ರಂಥಲು ಪ್ರಕಟವಾದುಳ್ಳ, ವ್ಯಾಕರಣದ ಕೆಲವು ಸೂತ್ರಲು ಭಾಷೆ ಕಲ್ಲುವ ಜೊಕುಳೆಗ್ ೧ಪಾಠವತ್ತಾವಂದೆ, ಭಾಷೆದ ಸಂಪೂರ್ಣ ಪರಿಜ್ಞಾನ ತಿಕ್ಕಂದೆ ಪೊಂಡು. ಈ ಸಾಂಪ್ರದಾಯಿಕ ವ್ಯಾಕರಣ ಗ್ರಂಥಲೆಡ್ ಇಪ್ಪುನ ದುಷ್ಟ ನೀತಿ ದಾವೆ ಇನ್ನಗ, ಜೋಕುಳೆಗ್ ಒತ್ತಾಯಪೂರ್ವಕವಾದ್ ಸೂತ್ರಲೆನ್, ಅಂಬಕುಳೆಗ್ ಅಪವಾದಲೆನ್ ಒಟ್ಟು ಒಟ್ಟು ಪಿನ್ಸಾದ್, ವಿದ್ಯಾರ್ಥಿ ಲೆನ್ ಕಾಬೊಡು ಗಲಿ ಉಂಡು ಮಾಳ್ವುನವೇ ಬಿಂಜ. ಆ ಸೂತ್ರ ದಾಯಗ ಅಂಚ ಇಂದ್ರ ಜೋಕುಳು ಸಹಜ ಪ್ರಶ್ನೆ ಪಾಡಿಯೆ, ಅಯಿಕ್ ಅಧ್ಯಾಪಕೆರಡ ಗ್ರಂಥಕರ್ತಡ ಉತ್ತರ ಕೊರ್ಪಿನ ಕ್ರಮಲಾ ಇತ್ತೀಜಿ. ಇಂಚ ವ್ಯಾಕರಣೋನ್ ಜೋಕುಳೆ ಮಿತ್ತೆ ತುಂಬಾವುನವು ಅರ್ಥದಾಂತಿನ ವ್ಯಾಸಂಗಕ್ರಮ ಇಂದ್ ಕ್ರಮೇಣ ತೆಲಿಯೆ. ಪ್ರಪಂಚದ ಬೇತೆ ಭಾಷೆನ್ ಕಲ್ಲುವ ಅಗತ್ಯಲಾ ಒದದ್ ಬತ್ತ್ಂಡ್. ಅಪಗ ವೇದಭಾಷೆ ಇಲ್ಲಿ ಸಂಸ್ಕೃತ ಭಾಷೆದ ಅಧ್ಯಯನ ಆರಂಭವಾಂಡ್. ಪಾಶ್ಚಿಮಾತ್ಯ (ಇಂಗ್ಲೀಷ್) ವಿದ್ವಾಂಸೆರೆಗ್ ಅಪಗ ತಿಳ್ಕೊಂಡ್ ಪಾಣಿನಿನ ಸಂಸ್ಕೃತ ವ್ಯಾಕರಣ.ಈ ವ್ಯಾಕರಜೊಡು ಕೆಲವು ಕುತೂಹಲಕಾರಿ, ಅಂಚನೇ ವೈಜ್ಞಾನಿಕ ಗೊತ್ತು ಅಡಕವಾಗಿತ್ತಿನ ಶೂದ್, ಭಾಷೆದ ಪರಿಜ್ಞಾನ ಇಚ್ಛಾಂತಿನ ಸಂಪ್ರದಾಯದ ವ್ಯಾಕರಣ ಉಪಯೋಗ ಕಮ್ಮಿಯಾವೊಂದು ಬತ್ತಂಡ್. ಇಂಚ ಆರಂಭವಾಂಡ್ ಭಾಷಾಶಾಸ್ತ್ರ(philology)ದ ಅಧ್ಯಯನ. ಭಾಷಾ ಶಾಸ್ತ್ರ-ಭಾಷಾವಿಜ್ಞಾನ 1.20 ಭಾಷಾಶಾಸ್ತ್ರ ಇನ್ನಗ ಭಾಷೆದ ಶಾಸ್ತ್ರೀಯ ಅಧ್ಯಯನ, ಫಿಲೊಸ್ ಇನ್ನಗ ಪ್ರೀತಿ ಲೋಗಸ್ ಇನ್ನಗ ಪಾತೆರೊ ಇಂಡ್ದ್ ಇಂದೆಕ್ ಗ್ರೀಕ್ ಭಾಷೆದ ನಿಷ್ಪತ್ತಿ. ಸಾಮಾನ್ಯವಾದ್ ಈ ಭಾಷಾಶಾಸ್ತ್ರ ಈ ಶತಮಾನದ ಆವಿಡೇ ಆರಂಭವಾದ್, ಇಂದೆಕ್ ವೈಜ್ಞಾನಿಕ ಮಹತ್ವ ಪಡೆಪಿನವಾಂಡ್. ಇತ್ತೆ ಸುಮಾರಾದ್ ಐವ ವರ್ಷೋಸ್ಟ್ ಇಂಚಿ ಈ ಅಧ್ಯಯನ ಭಾಷಾವಿಜ್ಞಾನ ಅಥವಾ linguistics ಇಲ್ಲಿ ವಿಜ್ಞಾನದ ಸ್ಥಾನ ಪಡೆವೊಂದು, ಇಂದೆತ ವ್ಯಾಸಂಗ ವೃದ್ಧಿಯಾವೊಂದೇ ಉಂಡು. 25 ಬುಧಾನಂದ ಶಿವಳ್ಳಿ