ಆಡುಭಾಷೆ ಇನ್ಪಿ ತೆಗಳಿಕೆ‌ಗ್ ಪಾತ್ರವಾದ್ ಇತ್ತಂಡಲಾ, ಒಂಜಿ ಮೂಲಭಾಷೆದ ಲೆಕ್ಕೊ, ಸುಮಾರಾದ್ ರಡ್ಡ್ ಸಾವಿರ ವರುಷ ಮಿಕ್ಕಿನ ಅಯಿತ ಇತಿಹಾಸೊಡು ತನ್ನ ಸ್ವಂತ ರೂಪ ರಚನೆ, (ವ್ಯಾಕರಣ) ಪತ್ತೊಂದು ತುಳು ಜನಮಾನಿನ ನಡುಟು ನಡತ್ತೊಂದು ಬೈದಂಡ್. ಅಯಿಡ್ದಾವರೆ, ದ್ರಾವಿಡ ಸಮುದಾಯದ ಭಾಷೆಲೆನ ಮೂಲ ರೂಪೊನು ನಾಡ್ದ್ ತೂವರೆಗಲಾ ತುಳು ಒಂಜಿ ರೀತಿಡ್ ಸಹಕಾರಿಯಾದುಂಡು.
೦೪. ಕನ್ನಡ ವ್ಯಾಕರಣದ ಪ್ರಕಾರ ಶಬ್ದಲು ಮಾತಲಾ ಸ್ವರಾಂತವಾವೊಡು. ಉದಾ:- ಮಾಡಿ, ನೋಡಿ, ಹಿಡಿದು, ಬಡಿದು, ಮೂರು, ನಾನು, ನೀವು ಬಂದು, ಉಳಿದು, ಅದಕ್ಕೆ ಇದಕ್ಕೆ ಅವನನ್ನು ಯಾರನ್ನೂ ಅವರಿಗೆ, ನಗಿಸು, ಕುಣಿಸು ಇತ್ಯಾದಿ ಕನ್ನಡ ಶಬ್ದ ರೂಪಲು ತುಳು ಉಚ್ಚಾರೊಡು ಕ್ರಮವಾದ್, ಮಾಳ್ತದ್, ತೂದ್, ಪತ್ತ್‌ದ್, ದರ್ತ್‌ದ್, ಮೂಸ್, ಯಾನ್, ಈರ್, ಬತ್ತ್‌ದ್, ಒರಿದ್, ಅಯಿಕ, ಇಂದೆಕ್, ಅವೆನ್, ಇಂದೆಕ್, ಆಯೆನ್ ಏರೆನ್, ಆಯ‌ಗ್, ತೆಲಿಪಾವ್, ನಲಿಪಾವ್, ಆದ್ ಬರ್ಪಿನ ರೀತಿಡ್ ವ್ಯಂಜನಾಂತ ಪದಲಾದೇ ಒರಿದುಳ್ಳ ಇಂದ್ದ್ ತೆರಿಯೊಲಿ. ಆಂಡಲಾ, ಉಚ್ಚಾರೊಗು ಅಡ್ಡಿ ಆವಂದಿನ ಲೆಕ್ಕೋ, ಅರ್ಥಕೊರ್ಪಿನ ಶಬ್ದಲಾದುಳ್ಳಾ ಈ ರೀತಿಡ್, ವ್ಯಂಜನಾಂಶ ಪದಲು ಅರ್ಥವಿರಹಿತ, ಉಚ್ಚಾರ, ಮಳ್ಪರೆ- ಓದಿಪಾವರೆಗ್ ಸಾಧ್ಯದಾಂತಿನವು ಇನ್ಪಿ ಹೇಳಿಕೆಡ್ ಸತ್ಯ ತೋಜುಜಿ. ದಾಯೆಗಿನ್ನಗ, ಇಂಗ್ಲೀಷದಂಚಿನ ಪ್ರಮುಖ ಭಾಷೆಡ್ ಏತೊಂಜಿ ವ್ಯಂಜನಾಂತ ಶಬ್ದಲು, ಅರ್ಥವಿತ್ತಿದ್, ವಾಕ್ಯರಚನೆಡ್ ಅಂಚನೇ ಸೇರೊಂದುಳ್ಳ, ಇನ್ಪಿ ಸಂಗತಿ ಸರ್ವವಿದಿತ. ಉದಾ:- ಸಾಮಾನ್ಯ ಇಂಗ್ಲೀಷ್ ಪದಲು, cat, rat, ran ವ್ಯಂಜನಾಂಶವಾದೇ ಉಳ್ಳ. ಪಾಕ ಶಬ್ದಲು ಸ್ವರಾಂತ ರೂಪೊಡು ತೋಜೊಂದು, ಪಾತೆರೊದ ಮಟ್ಟೋಡು ವ್ಯಂಜನ ರೂಪೊಗು ಪಗರ್ದ್ ಬರ್ಪ. ಉದಾ:- Come (ಕಮ್), house (ಹೌಸ್) ಇತ್ಯಾದಿ.
೧೫. ತುಳು ಪಾತೆರೊನ್ ಕನ್ನಡ (ಬ್ರಾಹ್ಮಿ) ಲಿಪಿಟ್ ಓದುನಕುಳು ಈ ವಿಚಾರೊನ್, ಇನ್ನಗ, ವ್ಯಂಜನಾಂಶ ಅಕ್ಷರೊಲೆನ್ ಓದರೆ, ಬರೆವೆರೆ ಸಾಧ್ಯ ಇಂದ್ದ್ ತೆರಿಯೊಂಚಿನ ಅವಶ್ಯ. ಸದ್ಯ ನಂಮ ಮೊಳೆ ಜೋಡಣೆದ ಮುದ್ರಣ ವ್ಯವಸ್ಥೆಡ್, ಕ್ ಇನ್ಪಿ ಅರ್ಧ ಮುರುಂಟು ಸುಳಿತ ಅಕ್ಷರ ಪ್ರಿಂಟಾಪಿನವೆನ್ ತೂಲೆ: ಈ ಪದ್ಧತಿ ಪ್ರಕಾರ, ಕ ಅಕ್ಷರೊನ್
ಆಯಿನಾತ್ ಹ್ರಸ್ವ ರೂಪೊಗ್ ಕನಪ್ಪಿನ ದೃಷ್ಟಿ. ಇನ್ನಗ, ಪೂರ್ಣ ರೂಪದ ವ್ಯಂಜನ ಉಚ್ಚಾರೊಗ್ ಪರಿವರ್ತನೆ ಮಾಳ್ತದ್, ನಂತ್ರ ಕ್+ಅ ಸೇರ್ಪಾದ್ ಕ ಇನ್ಪಿ ಸ್ವರಾಂತ ಉಚ್ಚಾರೊ ಬರ್ಪಾವುನ ರೀತಿಡ್, ಮುದ್ರಣದ ಟ್ಯಿಪ್-ಮೊಳೆಲೆನ ತೂವನಗ, ಕ್ ಇನ್ಪಿ ಅಕ್ಷರೊನು ಪ್ರಿಂಟ್ ಮಾಳ್ವರೆ ಕ+ ಇನ್ಪಿ ರಡ್ಡ್ ಮೊಳೆಲು ಅಗತ್ಯವಾದುಳ್ಳ ಮುಲ್ಪ, ಈ ಅರ್ಧಸುಳಿ () ತ ಮುಖ್ಯ ಕೆಲಸ ವ್ಯಂಜನ ಪರಿವರ್ತನೆ. ಅಪಗಾಂಡ, ಕ ಇನ್ಪಿ ಮೊಳೆ ವ್ಯಂಜನವತ್ತ್ ಇಂದ್ದ್, ಬೊಕ ಅಯಿಟ್ ಸ್ವರ ಉಚ್ಚಾರ ಸೇರ್ದಿಪ್ಪುವ ವಿಷಯ ನಂಮ
