ಜನಮಾನಿಗ್ ಕಥೆ ಇಪ್ಪುನಂಚ ಪಾತೆರೊಗೊಂಜಿ ಕಥೆ. ಆಂಡ,
ಇಂದ್ ನಂಮ ತುಳುವ ಪಾತೆರೊದ ತೆಲಿಯೊಂಬಿನ ಕಥೆ. ಮಲ್ಲಪುದ‌ರ್ ಪಡೆತ್ತಿನ, ಕರ್ನಾಟಕ ರಾಜ್ಯೊಡು, ತೆಂಕಾಯಿ-ಪಡ್ಡಾಯಿದ ಕೋಂಟುಡ್, ಮರ್ಯಾಲ ಸುರುವಾ.
ಪಿನ ಮುಂಗಾರ್ದ ತೀರ ಪ್ರದೇಶ, ಮಲೆನಾಡ್-ಕಡಲಬರಿತ ನಡುಟೆ, ಪಡ್ಡಾಯಿ ಬಾನೊಡು ನೇಸರ ಕಂತುನ ಪೊರ್ಲುನ್ ತೋಜಾವುನ ಕರೆನಾಡ್ ಈ ತುಳುನಾಡ್. ತುಳು ಪಾತೆರೊದ, ತುಳುವೆರೆ ನಾಡ್.
ಈ ತುಳುವ ಕರ್ನಾಟಕದ ಒಂಜಿ ಜಾನಂಗಿಕ ಆಡುಭಾಷೆ (dialect) ಇಂದ್‌ದ್ ಪಾಕ ಮಂದಿ ತೆರಿದುಳ್ಳೆ‌ರ್. ಅಯಿಕ್ ತುಳು ಪಾತೆರ್ಪಿನಕುಳು ಪುಣಿ ಅತ್ತ್. ತುಳುವ ಭಾಷೆ ಸ್ವತಂತ್ರ ಭಾಷೆ ಅತ್ತ್ ಇನ್ಪಿನಕುಳು ಬೆತ್ತ್ ಕೆಲವೆರ್. ಅಯಿಟ್ ಸತ್ಯದಾನೆ? ತುಳು-ಕನ್ನಡದ ಸಂಬಂಧ ದಾನೆ? ತುಳುವ ಶಬ್ದಲು ದಾಯೆಗ ಸಾಹಿತ್ಯರೂಪೊಡು ಬೆಳಗಂದೆ ಈತನಟ ಪೋಯಾ? ಅಯಿಕ್ಕ‌ಲಾ ದ್ರಾವಿಡ ಭಾಷೆ ಸಂಸ್ಕೃತದ ಮೂಲ ಭಾಷೆಲು, ಅಥವಾ ಸಂಸ್ಕೃತ ಜನ್ಯ ಭಾಷೆಲೆಗಲಾ ಹೋಲಿಕೆ ವ್ಯತ್ಯಾಸ ದಾನೆ? ಮುಖ್ಯವಾದ್ ತುಳುಕ್ ಅಯಿತವೇ ವ್ಯಾಕರಣ ಉಂಡಾ? ಇಪ್ಪುನಾಂಡ, ಸಾಹಿತ್ಯ ರಚನೆಗ್ ಅವು ಸಮರ್ಪಕ ರೀತಿಡ ಒದ‌ಗ್ದ್‍ ಬರುವಾ? ತುಳುತ ಚರಿತ್ರೆ ದಾನೆ? ಅಯಿಕ್ ಆಧಾರ ದಾನೆ? ಅಯಿಕಲಾ ತುಳುವ ಸಂಸ್ಕೃತಿಗಲಾ ಅಂಚನೇ ಭಾರತದ ಸಮಗ್ರ ಸಂಸ್ಕೃತಿಗಲಾ ಸಂಬಂಧ ದಾನೆ? ಇನ್ಪಿ ಕೆಲವಾರ್ ಸಂಗತಿಲೆನ್ ಈ ನಂತ್ರದ ೧೯ ಪ್ರಕರಣೊಲೆಡ್ ಪಣ್ಪುನವಾದುಳ್ಳ.
೦೧. ಈ ಮುದೆಲ್ಪಾತೆರೊಡು ಕೆಲವು ಮುಖ್ಯ ವಿಷಯಲೆನ್, ಪ್ರಾಮುಖ್ಯವಾದ್ ಕನ್ನಡ ಲಿಪಿಟ್ ತುಳು ಪಾತೆರೊನು ಓದುವ. ಬರೆಪಿನ, ಪಿನ್ಪಾವುನ ರೀತಿ ಎಂಚ, ಇಂದ್‌ದ್ ತೆರಿಪಾದ್, ಓದುನಕುಳು ಈ ನಂತ್ರದ ಪ್ರಕರಣೊಲೆಡ್ ಬರೆತಿನ ವಿಷಯ ಪೂರ್ಣ ಗ್ರಹಿಕೆ ಪಡೆವೆರೆಗಾವೊಡು ಇನ್ಪಿ ಇರಾದೆಡ್ ರಡ್ಡ್ ಪಾತೆರೊ ಪಣೋಡಾಪುಂಡು. ಬರಹೆಗಾರೆ ಓದುನಕಳೆನ್
ಇಂಚೆನೇ ಓದುಲೆ, ಅಂಚನೇ ಓದೊಡು ಇಂದ್‌ದ್ ಪಣ್ಪುನವತ್ತ್. ಅಂಡಲಾ, ಈ ದೃಷ್ಟಿಕೋನೋಗು ಮೀರ್ದ್, ಈ ಬರಹಗಾರನ ಸ್ವಭಾವೊಗು ವ್ಯತಿರಿಕ್ತವಾದ್, ಪಣೋಡಾಪುಂಡಾ, ಅಯಿಕ್ ಕಾರಣ ತುಳುವ ಪಾತೆರೊ ಉಚ್ಚಾರದ ವಿಶಿಷ್ಟ ದಾಟಿ.
15
ಬುಧಾನಂದ ಶಿವಳ್ಳಿ
