- 57
damag ko, dagiti sasaok sabali kuma ti inkay nangitarusan,
ket wenno nalabit pay a ti binanag da adadda a dakdakes. . .
Namin-ano a kinayatko ti immasideg ken Makaraig yo, ken
Isagani yo! Pasaray ko pay pinanunot ti ipapatay da; kinayatko ida a pinukaw. . .
Nagsardeng ni Simoun.
—Iso daytoy ti gapo na a baybay-ankay nga agbiag, Basilio, ket isarsarakko ti bagik a gapo iti kurang ti annad yo, innak maisuplong kadagiti kasakbayan nga al-aldaw. . . Dakayo ammuyo no si asinuak, ammuyo dagiti ado a linaklak-am ko; adda pammati yo kaniak; dakayo saan kay a dagitay kaaduan nga awan makitada ken joyero Simoun no di la maysa nga agtagtagilako a mangiduron kadagiti agturturay nga agaramid iti palalo ken labes tapno dagiti maranggasan inda gumatang kenkuana iti alajas. . . Siak ti ukom a mayat a mangdusa iti maysa a kasasaad ket dagiti met la ar-aramid na a nadangkes ti innak aramaten a panusa, gubatek nga ay-aywen. . . Masapul a tulungandak, masapul nga aramatenyo ti bileg yo kadagiti agtutubo, tapno masupiat dayta minamauyong a kalikagom a panagkastila, pannakaitipon kadakuada, pannakaipada kadagiti kalkalintegan. . . No dayta ti suruten a dalan, uray ania ti kukuen, tinto la pagbalinan ti ili tayo, maysa a dakes a tinulad, ket ti Ili rebbengna nga ingatngato ti kitaenna! Minamauyong ti panagpanagem a mamagbalbaliw iti panunot dagiti agturturay adda a naiwayaten ti kayat da nga aramiden, naikabildan ti kumot, ket, abos man pay ta daddadaelen la ti kanito nga awan pagpapaayan na, al-allilawenyo pay ti Ili kadagiti ubbaw a in-inanama ket rumamankay pay a mangimameg iti tengnged na iti saklang dagiti nadangkok. Ti rebbeng yo nga aramiden, iso ti inkay panangdakamat kadagiti dakes a sumipsiplot iti ulo na nga ipaay iti pagimbagan yo. Dida kay kayat a maipada iti Ili a kastila;? Naimbag unay! no kasta, ngarod, agbukudkayo, ket inkay damilien ti buddong yo a kababalin, rebbengyo a sigpen a bangunen ti pakaipatakderan ti Ili a Pilipinas... Saan dakay a ikkan iti inanama? jNaimbag! dikay mangnamnama kenkuana, manginanama kayo iti bagi yo met laeng ket agaramidkayo. Mpawilda kadakay ti kaadda ti pannakabagi yo iti Pagaramidan da iti Linteg? !Naim-imbag manen! Uray pay no magun-odyo ti mangibaon iti pannakabagi yo nga inkay pilien, <!ania ti inkay aramiden sadiay, no di la mapan aglemmes iti let-ang ti kasta unay a timek ken mapan umannamong, iti kaadda yo, kadagiti lawlaw-as ken dakes a maar-aramid iti
