344
—¡Inda panagtaginayon iti kasasaad a sangsangitanda? —irituloy daydi apo padi idi makitana a nagsardeng ti masa kit. —Diak amnio, apo; diak mabasa ti panunot ti Di Matukod nga Apo! Ammok a saan Na a binaybay-an dagiti il-ili a kadagiti kankanito a kangitingitan inda nagtalek kenkuana ket Iso ti inda pinagbalin a Ukom iti pannakaidadanes da; ammok a ti Ima Na saan a nagkurang kaano man no, naibadbaddek ti linteg ket naibos aminen a pamuspusan, ti maidadanes alaenna ti buneng ket makibakal gapo iti balay na, gapo iti asawa na, gapo kadagiti annak na, gapo kada giti maiwagsik a kalkalintegan na, a, kas kuna ti dumadaniw nga aleman, agraniagda a di marupsa ken di maan-ano sadi ngato a kas kadagiti agnanayon a bitbituen! Saan, ni Mugna, ti Dios, a Iso ti Linteg, saan Na a mabalin a baybay-an ti paringgor Na, ti paringgor ti Wayawaya, a, no awan, saan a mabalin nga adda Linteg!
—¿Apay, ngarod, a inpaidamna kaniak ti Tulong Na? —sinaludsod ti timek ti masakit, timek a sipupunno iti napait nga asog.
—Wen, ta dakayo inkay pinili ti maysa a pamuspusan a Iso saan Na a mabalin nga anamungan! —insungbat daydi apo padi, a timek na ti nadeggang: —ti dayaw a ited ti panangispal iti maysa nga ili, saan a magun-od ti nakiraman a nagaramid iti pannakarba na! Dakayo inpagarupyo a ti minulitan ken dinadael ti biddot ken ti dakes, mabalin a pasudien ken subbuten ti sabali a biddot ken sabali a dakes! Dakkel a riro! Ti gura awan sabali a pataudenna no di dakes; ti biddot, tao a managdakdakes; ti laeng ayat ti maitungpal kadagiti ar-aramid a nakaskasdaaw iti kinasayaat; ti laeng iinbag ti makabalin a mangispal! Saan; no ti Ili tayo into agwayawaya, saanto a gapo iti dakes nga aramid ken iti bid dot, saanto a maipuon iti pannakadadael dagiti annak na, iti panangallilaw kadagiti dadduma, iti pananggatang ka dagiti sabsabali, saan; ti pannubbot kayatna a sawen imbag, ti imbag, panagrigat, ket ti panagrigat, ayat!
Ala wen! annugutek ti panangilawag yo, —insungbat ti masakit, kalpasan ti nabiit a ballayat; —nagriruak; ngein gapo ta nagriruak, idayta a Dios inna ipaidam ti wayawaya iti maysa nga Ili ket inna ispalen dagiti dadduma a nagperribo a dakdakes ngem siak? iania met aya ti rirok, no mayabay kadagiti bidbiddot dagiti agturturay? ¿Apay a dayta a Dios adadda pay met a inna kitaen ti kinadakes ko ngem dagiti as-asog dagiti nagado nga awanan basol? ¿Apay a dinak sinugat, sana kuma pingballigi ti Ili? JApay a baybay-
