15
¡A la wen!-kinuna manen ni Kapitan Basilio, a nagka- tawa! Ngem uray no magun-odyo ti palubos, ¿adinunto ti pangalaan yo iti pirak?
-Addan, apo; tunggal maysa nga agadal mangyarayat iti sikapat.
-Ngem, ket dagiti mangisursuro?
-Addada metten; ti kagudua, pilipino da, ket ti maysa a kagudua, kakastila da.
-Ket, ti balay?
-Ni Makaraig, ni baknang a Makaraig, itedna ti maysa kadagiti balbalay na...
Ni Kapitan Basilio inannugutna ti pannakaabak na: dagidi nga agtutubo nagsaganada gayam aminen.
-No maminsan, kinunana pay laeng, a ingngatuna ti abaga na, -saan unay a dakes, saan a dakes a panunot, ket tangay di mabalin a maadal ti latin, uray ti la ngad kastila. Dayta ti maysa a pakakitaanyo, kunayo, nga agsanudtayo. Idi dakami, adalenmi ti latin, ta idi, amin a pagbasaan, latin; ita, adalenyo bassit, ngem awan pagbasaan yo a latin; dagiti pag-pagbasaan yo, sao ti kastila, ngem saan met a maisuro toy a pagsasao: jaetas parentum pejor avis tulit nos nesquiores!, kas kuna ni Horacio.
Ket idi nasauna toy, immadayo a siraranga a kasla may- sa nga emperador sadi Roma. Dagidi dua a babbaro immisemda.
-Dagitoy a tattao ti nalabes - kinuna ni Isagani, - iti uray no ania, adda la makitada a sulit; no adda ibaga ka da- kuada, saan da a kitaen ti imbag na, no di ti makatubeng. Kayatda nga iso amin dumanon a nalinlinis ken nabukbukel a kasla maysa a bola ti bilyar.
-Ni uliteg mo iso ti kadutdutan na, insungbat ni Ba- silio; sarsaritaenda dagidi al-aldaw da... Denggem, maisil- po man ket di, ¿ania ti kuna ni uliteg mo maipanggep ken Paulita?
Ni Isagani limmabbasit.
-Sinermunannak maipapan iti panagpili iti asawa...
Insungbatko a sadi Manila, awan sabali a kas kenkuana, napintas, naimbag ti sursuro na, ulila....
-Nabaknang unay, nataer, naragsak, awan pamilawan no di la ti kaadda ti maysa nga ikit na a nakakatkatawa,―inna- yon ni Basilio, a nagkatawa.
Ni Isagani nagkatawa met.
-Tangay masarsarita ni ikit na, ¿ammom a inbilinna kaniak a sapulek ni asawa na?
