- 229
Ni Paulita ammuna ti pamayan; idi nagyaman ken Isagani, ison ti naginluluksaw, ket iti nalinis unay a pamayan, inna inpaawat a masdaaw iti pannakasarak na kenkuana sadiay, idinto ta amin dagiti tattao addada iti Luneta, pati pay dagiti aktris a pransesa. . .
—Inbagayo nga agdanuntay ditoy, emabalinko kadi aya?...
—Nupay kasta, idi rabii diyo pay nadlaw ti kaaddak iti pagbuyaan; pinalpaliiwkay a kankanayon ket saan yo a nailisi dagita matmata yo kadagidi cocheros. . .
Nagsinnukatda iti yanen; ni Isagani, a mapan a mapan agsingir, iso met ti singirendan, ket inbilangna a nagasat unayen idi inbaga ni Paulita nga inna pakawanen. No maipapan iti ipapan na iti pagbuyaan, rebbengna pay ket a pagyamanan; ni Paulita, a pinilit ni ikit na, isuna la a nayat a napan gapo iti panangnamnama na nga iti bayat ti panagbuya inna makita. Katkatawaanna laeng ni Juanito Pelaez!
—Ni ikit ko iso ti agarem kenkuana! — kinunana a nagkatawa a siraragsak. Nagkatawada a dua; ti panagasawa da Pelaez ken dunia Victorina pinagmauyungna ida iti ragsak ket kas da kitkitaenen a nalpasen a naaramid; ngem ni Isagani nalagipna a ni don Tiburcio adda a sibibiag ket intalekna iti ay-ayaten na ti palimed, kalpasan ti panagdawat na nga ikarina a dina sasawen iti uray si asino. Ni Paulita inkarina, ngem iti nakemna panpanunutennan a saritaen iti gayyem na.
Toy inpanna dagiti sarsarita da iti ili ni Isagani, a nalawlaw iti bakir ket naisaad iti igid ti taaw nga agungor iti babaen dagiti natayag a banbantay a bato.
Dagiti matmata ni Isagani rumaniagda no sarsaritaenna daydi nalmeng a disso; ti apoy ni tangsit pasgedenna da giti pingpingping na, ti timek na mamigerger ti isip na, nga isip ti duinadaniw, mapapudot, dagiti sasao na rumuarda a sisesegged, sipupunno iti rag-o, a kas la ket itay no makisarsaritan iti ayat ti ayat na, ket dina nabalin a di kinuna;
—!O! jno addaak iti yan dagiti naiwaywayas a banban tay ko, mariknak a siwawayaak, siwawaya a kas ti angin, kas ti lawag a dumalines nga awan laplapped na iti tangatang! jSaan ko nga isukat kadagiti rinibribo a pagpagilian, rinibribo a palpalasio daydiay suli ti Pilipinas, a iti sidong na, iti adayo kadagiti tattao, iso ti pakariknaak iti pudpudno a wayawaya! jSadiay, iti rupanrupa iti Nakaparsuaan, iti sangwanan ti nalmeng ken ti mangliwengweng, ti bakir ken
