This page has been proofread.
67
ᎳᏫᏅ.
ᎪᎵᏰᏍᎬ ᎤᏂᏏᏗᏱ ᏭᎶᏒᎩ. ᎳᏫᏅ ᎤᏪᎵᎯᏍᎨ ᏔᎵᏁ ᏧᎾᏓᎪᏩᏛᏗᏱ, ᎾᏍᎩᏃ ᎢᏳᏍᏗ ᏫᎤᎩᏨᏅ ᎩᎳᏉ ᏧᎩᏥᏍᎪᎢ, ᏭᏍᏚᎢᏒᏃ ᎦᎶᎯᏍᏗᏱ ᏄᎬᏫᏳᏌᏕᎩ ᎤᏂᏏᏗᏱ, ᏭᎪᎮ ᎤᎾᏝᎢ ᎤᏗᏛᏛ ᎨᏎᎢ, ᎠᎴ ᎾᎿ ᎤᏅᏏᏴ ᏓᏓᎿᏩᏍᏛ ᎦᏛᎢ ᎦᎶᏁᏛ ᏥᏭᎪᎮ ᎠᏍᎩᏓᏍᎬᎢ, ᎾᎿᏂ ᏭᏓᎾᏏᏃᎸᎯ ᎨᏎᎢ. ᎾᎿ ᏚᎵᏂᏆᏁ ᏣᏓᏙᎵᏍᏗᏍᎪ ᎾᏍᎩᏯ ᏄᏛᏁᎢ. ᏧᏬᏰᏂᏃ ᏚᏌᎳᏕᎢ, ᎠᏰᎸᎢᏃ ᎤᏍᏛᎦᎴᎢ ᏥᏳᎯ. ᎠᏧᏣ ᎤᎪᎲ ᎾᏍᎩ ᏄᏛᏅᎢ ᎤᎴᏫᏍᏔᏁ ᎠᎴ ᎤᎦᏘᏕ ᏞᎦ, ᎠᏍᎦᎢᎮ ᎤᏲᏍᏙᏓᏁᏗ ᎠᏓᏙᎵᏍᏗᏍᎬ ᎤᎾᏝᎢ, ᏅᏏᏱ ᎢᏴᏛ ᎩᎳ ᎤᏯᏅᎮ ᏙᎯᎨᏉ, ᎯᎠ ᏄᏪᏎᎢ, “ᏍᎩᎾᏝᎢ,” ᏅᏧᏁᏨᎾᏉ ᎨᏎᎢ. ᏔᎵᏁ, “ᏍᎩᎾᏝᎢ,” ᏭᏛᏁᎢ, ᎠᏏᏉ ᏄᏁᏨᎾᏉ ᎢᎨᏎᎢ. ᎿᏉᏃ ᎤᏓᏅᏎ ᎾᎥᏂᎨ ᏭᎷᏤᎢ ᎩᎳᏃ ᎯᎠ ᏫᏄᏪᏎᎢ “ᏍᎩᎾᏝᎢ,” ᎡᎳᏪᏉ ᎢᎨᏎᎢ. ᏔᎵᏁ ᎤᏯᏅᎮ ᎯᎠ ᏄᏪᏎᎢ, “ᏂᏣᎬᏫᏳᏌᏕᎩ,” ᎠᏏ ᎡᎳᏪᏉ ᎢᎨᏎᎢ. ᎿᏉᏃ ᎦᏅᏬᎢ ᎤᏂᏴᎮᎢ ᎠᎴ ᎤᏖᎸᏁᎢ. ᎠᏰᎸᎢ ᎠᏎᎩ ᏄᏛᏁᎢ—ᎤᏍᏗᎩᏛ ᎤᏗᏍSᎨᎢ ᎬᏂ ᏭᎵᏢᏅ—ᎠᏎᏃ ᎤᏓᏅᏙᎩ ᎦᏳᎳ ᏧᎴᏅᎯ ᏂᎨᏎᎢ, ᎠᎴ ᎤᏚᎩ ᎣᎬᎭ ᎾᏍᎩ ᏚᎴᏅ ᎦᎶᏁᏛ ᏧᏬᎸ ᏭᎶᏒᎢ ᎾᎿᏂ ᎤᏟᎯᏳ ᎣᏏᏳ ᏗᎨᏒᎢ.
5000 Copies.
