ᏆᎵᏍᏓᏁᎵ ᏂᎨᏒᎾ ᏗᎨᏒ ᏩᎩᎾᏄᎪᏤᏍᏗ. ᏂᎦᎥ ᎤᏪᎵᎯᏍᏗ ᎠᏆᏓᏅᏛ ᎢᎸᏍᎩ ᏄᏒᎭ ᏅᏗᎦᎵᏍᏙᏗ ᎠᏆᏗᎴᎲᏍᎬ ᏥᏰᎸᎢ ᎤᏁᏉᏨ, ᎠᎴ ᏂᎪᎯᎸᎾᏉ ᎠᏎ ᎠᎩᏍᏆᏕᏍᏗ ᎬᏬᎳᏕᏍᎬᎢ.” ᎠᏧᏣ ᎾᎯ Ᏻ ᎢᏯᏍᏘ ᎡᎳᏪᎢ ᎤᏣᏖ ᏓᎦᏌᏬᎢᎮᎢ ᎠᏎᏃ ᎿᏉ ᎤᎧᎵᏤᎴ ᎤᏓᏅᏛ, ᎠᎴ ᎯᎠ ᏄᏪᏎ ᏗᎬᏠᏱᏍᏗᏍᎩ; “ᏞᏍᏗ, ᎬᎨᏳᎢ ᏍᎩᎾᏝᎢ, ᏞᏍᏗ ᏍᎬᏕᏨᎩ.” ᏄᎬᏫᏳᏌᏕᎩᏃ ᎤᏓᏅᏘᎤᏁᏤ ᎯᎠ ᏄᏪᏎᎢ; “ᎳᏫᏅ, ᎬᎨᏳᎢ ᎯᏧᏣ, ᎤᎦᎵᏍᏗᏉ ᎭᏓᏅᏓᏓ — ᏅᏩᏙᎯᎯᏛᏉ ᎠᏆᏓᏅᏔ, ᎠᎴ ᎤᎵᏍᏆᏗᏍᏗ ᏂᎨᏒᎾ ᏅᏩᏙᎯᏯᏛ ᎠᏆᏓᏅᏖᏍᏗ. ᎬᏯᏙᎵᎦ, ᎾᏍᎩᏯᏉ ᎠᏋᏒ ᎠᏇᏥ ᏥᏥᏯᏙᎵᎪ ᏂᎬᏯᏙᎵᎦ. ᏝᏉᏍᎩᏂᏃᏅ ᏥᏰᎸᏍᎦ ᎠᏎ ᎬᏴᏕᎢᏍᏗ ᏥᏂᎦᎵᏍᏗᎭ ᎠᏂ ᎠᏍᎦᎾ ᎡᎶᎯ, ᎠᎴ ᎠᏂᏍᎦᎾ ᏥᏳ ᏗᏂᏂᏙᎯ ᎠᏁᏙᎲ ᎬᏯᎧᎯᏯᏍᏗᏱ. ᎠᏗᎾ ᏥᎳᏲᎯᎭ ᎡᏣᏍᏕᎸᏗᏱ ᎠᎴ ᎡᏣᏲᏍᏙᏓᏁᏗᏱ ᎤᏲ ᏗᏣᎸᏫᏍᏓᏁᏗᏱ ᎠᏴ ᎾᏍᎩ ᎾᏆᏛᏁᎸᎢ. ᎬᎨᏳᎢ ᎯᏧᏣ, ᎤᏣᏘᏉ ᏍᎩᏍᏕᎸᎯᏓ; ᎤᏁᎳᏅᎯ ᎠᏗᎾ ᏓᏣᎫᏴᎡᎵ ᏍᎩᏯᏕᎸᎲᎢ. ᏂᎯᏉ ᎢᏨᏂᏌᏅᎯ ᎤᏁᎳᏅᎯ ᎠᎩᏙᎵᏨᎯ ᏥᎩ. ᎤᏙᎯᏳᎯᏯ ᎤᏁᎳᏅᎯ ᏗᏣᏅᏎ ᎠᏴ ᏍᎩᎷᏤᏗᏱ ᎤᏁᎳᏅᎯ ᎠᏗᎾ ᏫᏣᏙᎵᎩ, ᎬᎨᏳᎢ ᎯᏧᏣ, ᎩᏃᏁᎸᎭ ᎪᎱᏍᏗ DᎾᏛᏁᎯ ᎦᏥᏔᏲᏎᎲ ᎬᎩᏙᎵᏍᏗᏱ, ᎾᏍᎩᏯ ᏂᎦᏥᏯᏙᎵᎬ ᎠᎴ ᎾᏍᎩᏯ ᏂᏔᏲᎯᎲ ᎨᏥᏙᎵᏍᏗᏱ.” ᎾᏍᎩ ᎯᎠ ᏄᏍᏛᎩ ᎬᏩᏙᏓᏋ ᎠᎴ ᎤᏣᏘ ᎣᏍᏛ ᎤᏓᏅᏛᎩ. ᎳᏫᏅᏃ ᎤᏍᏆᏛ ᎪᏪᎵ Ꮧ-
