“ᎳᏫᏅ, ᎬᎨᏳᎢ ᎯᏧᏣ,” ᎤᏛᏁ ᏄᎬᏫᏳᏌᏕᎩ, “ᏄᏍᏆᏂᎪᏗᏉ ᏥᎪᏩᏛ ᎪᎯ ᎤᏒ ᏥᎨᏒᎩ! ᏣᏄᎪᏨ ᎤᏒᎢ, ᏣᎩᎸᏃ ᎢᏳᏍᏗ ᏄᎵᏍᏔᏅᎩ — ᏗᏆᏓᏅᏛ ᎠᎧᎵᏬᎯ ᎨᏒ ᏄᏍᏛ ᎠᏆᏛᎦᏅ ᎪᏪᎵᎯ ᏥᏍᎩᎪᎵᏰᎲᎢ. ᎤᏰᎶᎢᏍᏔᏅᎩ ᎥᏥᎪᎥᎩ ᎠᎩᏰᎸᏅ ᏥᏌ ᎦᎶᏁᏛ ᎯᎠ ᎾᏍᎩ ᎠᏆᏂᏏᏗᏱ Ꮎ ᏧᏅᏏᏴᎢ, ᎥᎦᏛᎩ ᏓᏓᎿᏩᏍᏛ ᎩᎬ ᏓᏔᏍᎩᏍᎬᎩ ᎠᏰᎸᎢ. ᎤᏍᏆᏂᎪᏗᏳ ᎠᏆᏓᏅᏓᏛᎩ, ᎠᎴ ᎠᏆᏗᏛᎲ ᎠᎩᏰᎸᏅᎩ ᎠᎴ ᎠᏆᏠᏏᏅᏒ ᏫᎨAᎥ ᏩᎩᎶᏒᎩ, ᎠᎴ ᏩᏆᏓᏓᎢᏅᏒ ᏧᎳᏏᏕᏄᎶᏗ, ᎤᏣᏔᏅᎯ ᎡᎯᏍᏗ ᎠᏆᏓᏅᏓᏛᎩ, ᎠᎴ ᎪᎯᏗᏳ ᏓᏆᏠᏱᎸᎩ, ᎾᏍᎩᏯ ᏗᎨᏫ ᎠᏍᎦᏯ ᏄᏪᏒ ᎾᎩᏪᏒᎩ, ᎯᎠ ᏥᏂᎦᏪᎭ, “ᏥᏌ ᏂᎯ ᏕᏫ ᎤᏪᏥ, ᏍᎩᏙᎵᎩ,” — ᎪᎯᏱ ᎢᏴᏛ ᏓᏆᎧᎿᏅ ᎠᎩᏰᎸᏅᎩ — ᎥᎥ, ᎬᎨᏳᎢ ᎯᏧᏣ, ᏓᎦᎦᎿᏅᎩ ᎠᏍᎦᎾ ᏄᎬᏫᏳᏌᏕᎩ ᏂᎯ ᏣᏤᎵᎦ. ᎥᎥ, ᎳᏫᏅ, ᏄᏍᏆᏂᎪᏘ ᏙᏗᏆᎧᎿᏅᎢ! ᎥᏝ ᎯᎸᎯᏳᎢ ᏴᎬᏋᎨᏩ. ᎠᎩᎩᎬ ᎠᎩᎾᏫᏱ ᏅᏩᏍᏛᎩ ᏭᏓᏟᏌᏅᎩ — ᏗᎩᏩᏚᏃᎯ ᎠᏍᏓᏯ ᏓᏓᎾᏫᏍᎬᎩ, ᎠᏆᏓᏅᏙᏃ ᎤᏣᏘ ᎤᏪᎾᏮ ᏥᏍᎦᎢᎲ ᏅᏓᏳᎵᏍᏙᏔᏅᎩ, ᎠᎴ ᏥᎦᏘᏴᎩ ᎪᎱᏍᏗ ᎠᏉᏎᏗᏱ, ᏥᎾᏰᏍᎬᎩᏍᎩᏂᏃᏅ ᎠᏎᏃ ᏔᎵ ᎤᏛᏛᎩ ᎤᏚᎩ ᎠᏋᏒᎢ, ᎠᎴ ᏫᏥᎪᎥᎩ ᏓᏳᏰᏨᎩ. ᎥᎥ, ᎠᏇᏥ, ᏥᎪᎥᎩ ᎤᏰᏨᎩ. ᎥᎥ, ᎠᎴ ᎠᏴ ᎠᎩᏰᏣᏍᏔᏅᎩ — ᎠᏴ, ᎳᏫᏅ — ᎬᎨᏳᎢ ᎯᏧᏣ, ᎠᏴ ᎤᏣᏘ ᎠᎩᏍᎦᏅᏨᎯ ᎠᎩᏰᏣᏍᏔᏅᎩ. ᎤᏣᏘ ᎤᏍᏆᏂᎪᏗ ᎠᏆᏓᏅᏓᏛᎩ ᎾᎯᏳᎢ. ᎠᎩᎧᎵᏤᎸᏉ ᎠᏆᏓᏅᏛᎢ Ꮭ ᏰᎵ ᎬᎩᏁᎢᏍᏗ ᏱᎨᏎᎢ, ᎠᏎᏃ
